काठमाडौँ । नेकपा दाहाल–नेपाल समूहका अध्यक्ष माधवकुमार नेपालले प्रधानमन्त्री केपी शर्मा ओलीसँग बयलगाडा बाहेक अरु चुनाव चिन्ह नरहेको बताएका छन् ।
प्रतिनिधि सभा विघटनविरुद्ध आफ्नो समूहले काठमाडौँमा गरेको विरोध सभालाई सम्बोधन गर्दै उनले निर्वाचन आयोगलाई धम्कीबाट नडराई सही निर्णय गर्न भन्दै यस्तो बताएका हुन् ।
‘केपी ओली सच्चिनेवाला छैनन्, हामी आशा गरिरहेका छौँ । सर्वोच्चबाट संसद पुनःस्थापना हुने आशा गरेका छौँ । निर्वाचन आयोगले पनि सही निर्णय गर्छ भन्ने आशा गरेका छौँ,’ नेपालले भने, ‘सूर्य चिन्ह हामीसँग छ । केपी ओलीसँग बयलगाडाको चिन्ह बाहेक केही छैन ।’
उनले अहिले देशमा संविधानलाई मान्ने र मिच्नेहरुको लडाईँ चलिरहेको पनि बताए । त्यस्तै उनले माधव नेपाल र पुष्पकमल दाहालबीच फाटो ल्याउने कदम सफल नहुने पनि बताए । उनले पूर्वएमालेहरुलाई केपी ओली कहिल्यै एमाले नभएको पनि बताए । ‘