अंकध्वज मोते
काठमाडौं । इटालीको लिग्नानोमा आगामी अक्टोबर १४ देखि १८ तारिखसम्म आयोजना हुने ३३औँ SKDUN विश्व सोतोकान कराते च्याम्पियनसिप प्रतियोगितामा नेपालका कराते खेलाडी चित्रप्रसाद श्रेष्ठले सहभागिता जनाउने भएका छन् ।

श्रेष्ठले उक्त अन्तर्राष्ट्रिय प्रतियोगितामा पुरुषतर्फ ८० केजी तौल समूहको कुमुते विधामा नेपालको प्रतिनिधित्व गर्नेछन् । विश्वका विभिन्न देशका खेलाडीहरूको सहभागिता रहने उक्त प्रतियोगितामा श्रेष्ठको सहभागिताले अन्तर्राष्ट्रिय खेलकुद क्षेत्रमा नेपालको उपस्थिति थप बलियो बनाउने अपेक्षा गरिएको छ । प्रतियोगितामार्फत श्रेष्ठले आफ्नो खेलकौशल प्रदर्शन गर्दै नेपालको गौरव बढाउने लक्ष्य लिएका छन् ।

पत्रकार सम्मेलन गरी प्रतियोगितामा सहभागी खेलाडीलाइ सोतोकान कराते SKDUN डो संघको तर्फबाट सोतोकानका काठमाडौँ जिल्लाका अध्यक्ष कुमार नेपालीले सफलताको शुभकामना दिदै जित नेपालको नाममा आउने वाचा समेत गरेका थिए ।