काठमाडौं । प्रचण्ड–नेपाल समुहको नेकपा अध्यक्ष पुष्पकमल दाहाल ‘प्रचण्ड’ ले प्रधानमन्त्री केपी शर्मा ओलीलाई चुनौती दिँदै सभा कस्तो हुँदोरहेछ देख्नुभयो नि ? भनेर प्रश्न गरेका छन् ।
बुधबार राजधानीमा आयोजित विरोध सभामा बोल्दै प्रचण्डले भने, ‘केपीजी देख्नुभयो सभा कस्तो हुँदोरहेछ ? ’ प्रचण्डले आजको सभामा करिब पाँच लाख मानिसको उपस्थिति रहेको जानकारीसमेत दिए । उनले आजको सभालाई सर्वोच्च अदालतका न्यायाधीशले पनि देखेको हुनुपर्ने भन्दै अदालतले न्याय दिने अपेक्षा गरे ।
‘मलाई लाग्छ, आजको सभाले सम्मानित अदालतलाई सहज भएको छ । देश र जनताको पक्षमा फैसला गर्न सहज भएको छ । त्यसो भएन भने आँधी आउँछ। हिजो सानो समूहले विद्रोह गर्दा के भयो ? अब नेपालमा ‘ग्रीन रिभोलुसन’ हुन्छ । यत्रो जनताको आवाजलाई नसुन्ने ? सानो समूहको कुरा सुन्ने हुनसक्छ ? ’