काठमाडौँ । नेकपा (दाहाल–नेपाल समूह)का अध्यक्ष पुष्पकमल दाहालले प्रधानमन्त्रीसमेत रहेका नेकपा (ओली समूह) अध्यक्ष केपी शर्मा ओलीलाई आम नागरिकको विरोध र आक्रोसलाई बुझ्‍न नसके बालुवाटार घेर्ने चेतावनी दिएका छन् ।
ओलीले २३ गतेको आमसभामा प्रदर्शन कस्तो हुन्छ हेर्न भनेका थिए । त्यसको जवाफ दिंदै दाहालले आफूहरूको प्रदर्शनमा हेर्न सुझाएका हुन् ।
दाहालले ओलीलाई संविधान र लोकतन्त्रको हत्या गर्ने अपराधीसमेत भन्‍न भ्याए । ‘तपाई संविधानको, लोकतन्त्रको हत्या गर्ने अपराधी हो केपीजी,’ दाहालले भने ।
लाखौँ जनताको चाहना बुझेर सर्वोच्च अदालतले प्रतिनिधि सभा विघटनविरुद्ध परेको मुद्दामा फैसला दिने दाहालले बताए । जनचाहनाविपरीत फैसला नभएमा मान्‍न बाध्य नहुने उनको भनाइ थियो ।