काठमाडौँ । विजय घिमिरे विश्वकर्मा प्रतिष्ठानद्वारा जाडोको समयमा कपडा वितरण गरिएको छ । प्रतिष्ठानले सिराह, सप्तरी, बाजुरा, रसुवामा न्यानो कपडा वितरण गरेको हो । दलित समुदायबाट पहिलो पटक सगरमाथा आरोहण गरेका विजय घिमिरेले आफ्नो नाममा स्थापना गरेको संस्थाले सामाजिक सक्रिय भूमिका काममा खेल्दै आएको जनाएका छन् ।
प्रतिष्ठानले सोलुखुम्बुको सोलु बाल कल्याण अनाथालय र काठमाडौंमा रहेको सुनौलो संसार बालआश्रम जोरपाटीमा न्यानो कपडा र शैक्षिक सामग्री र न्यानो कपडा वितरण गरिसकेको छ । घिमिरेले विभिन्न व्यक्ति र संघ संस्थाको सहयोगबाट आप्mनो अभियान प्रभावकारी भएको बताएका छन् । उनले माघ ९ गते परेको आफ्नो जन्मदिनको अवसरमा पनि कपडा र शैक्षिक सामग्री वितरण गरेका हुन् । घिमिरेले जन्मदिनको नाममा विभिन्न होटलमा कार्यक्रम गरेर अनावश्यक खर्च गर्नु भन्दा त्यो खर्च समाजसेवामा लगाए केही हुन्छ भन्ने सोचेको स्पष्ट पारे । उनले शैक्षिक सामग्री बैंक स्थापना गरी विभिन्न ठाउँमा विद्यार्थीलाई ती सामाग्री उपलब्ध गराउने समेत जनाएका छन् । ‘अहिले जाडोको मौसममा धेरै बालबालिका र जेष्ठ नागरिकका साथै अपाङ्गता भएका व्यक्ति र असहायहरुको दैनिकी संकटमा परेपछि हामीले यो अभियान चलाएका हौं’ प्रतिष्ठानका अध्यक्ष घिमिरेले भने ‘आगामी दिनमा पनि यस प्रकारका सामाजिक काममा निरन्तर लागिरहनेछौं ।’