मुगु । मुगुको सोरुगाउँपालिका ६ पुरुमुरु गाउँमा सिजनल भाइरल ज्वरोले ३ जनाको मृत्यू भएको छ । सिजनल ज्वरोका कारण एक साता यता मृत्यू हुनेमा सोरु गाँउपालिका ६ पुरुमुरु गाँउका बर्ष ७२ का हरिबहादुर शाही, बर्ष ७५ की कृति छत्याल र बर्ष २४ की कुशुम ढोली रहेका छन् ।

पुरुमुरु, जिमा, भिई, नार्थपु, सिप, ख्याल्च, वुम्चलगायतका दर्जन बढी बस्तीका घरघरमा ज्वरो,रुगाखोकि लाग्ने,श्वास फेर्न गार्हो हुने, टाउको दुख्र्ने र नाक मुख सुख्खा हुने जस्ता लक्ष्यण देखिने बिरामीहरु रहेका छन् । बिरामीहरुले सिटामोलसमेत नपाउँदा थप बिरामीहरुको संख्या बढदै गएको हो ।

जिल्ला स्वास्थ्य कार्यँलय मुगुको डाक्टर सहीतको टोलीले मंगलबार सोरु गाँउपालिका ६ पुरुमुरु र जिमा गाँउका १ सय ५० जना भन्दा बढीलाई स्वास्थ्य परिक्षण गरी रुगा, खोकी ज्वरो, शरीर दुखेको औषधी बितरण गरिएको र कोभिड, मलेरीया, औलोलगायतको समेत चेक गरिएको खासै अन्य कुनै पनि भाइरस नदेखिएको र केही स्थानीय नागरिकहरुको स्वाप परिक्षणको लागी सुर्खेत पठाएका छौ त्यसको रिपोर्ट आएपछि मात्र कुन भाइरस हो भन्न सकिन्छ ।

विरामीका लक्षण हेर्दा मौसमी भाइरस हुन सक्ने जिल्ला अस्पताल मुगुका डाक्टर कमल ढुङ्गानाले बताए ।