काठमाडौं । नेपाल डेरी एसोसिएसनले आज रजत जयन्ती मनाउँदैछ । काठमाडौंको होटल मल्लमा एक भव्य कार्यक्रम गरी रजत जयन्ती मनाउने तयारी भएको एसोसिएसनका अध्यक्ष प्रल्हाद दाहालले बताए । उनका अनुसार कार्यक्रममा देशैभरका प्रतिनिधिहरुको सहभागिता रहने छ ।

रजत जयन्ती मनाउँदै एसोसिएसनले आजै साधारणसभा पनि गर्ने छ । रजत जयन्तीबारे जानकारी दिन एसोसिएनको केन्द्रीय कार्यालय शंखमुलमा आयोजित पत्रकार सम्मेलनमा बोल्दै अध्यक्ष दाहालले दुग्ध व्यवसायीहरुको गुनासो सरकारले नसुनेको आरोप लगाएका थिए । यो व्यवसायले देशलाई आर्थिक रुपमा टेवा पु¥याएको भए पनि सरकारले बेवास्ता गरेको पनि उनले गुनासो गरे । एसोसिएसन २०५५ साल माघ ७ गते स्थापना गरिएको थियो । अहिले एसोसिएसनका प्रदेश र जिल्ला समिति पनि बनेका छन् । राजेन्द्रकिशोर श्रेष्ठ संस्थापक अध्यक्ष रहेको एसोसिएसनले अहिलेसम्म १० जना अध्यक्ष पाएको छ ।

कृषि तथा पशुपंक्षी विकास मन्त्रालयका पशुपंक्षीतर्फका सचिव रेवतिरमण पौडेल रजत जयन्ती समारोहमा प्रमुख अतिथिको रुपमा उपस्थित हुने एसोसिएनले जनाएको छ । सरोकारवाला संघसंस्थाको पनि प्रतिनिधित्व हुने आयोजकको भनाई छ । रजत जयन्ती समारोहलाई सफल बनाउन प्रदेशका समितिले पनि सबैलाई आग्रह गरेका छन् । केन्द्रीय समिति र प्रदेश समितिले पनि सबैलाई उपस्थितिको लागि आव्हान गर्दै समारोहको सफलताको शुभकामना दिएका छन् ।