काठमाडौं । अख्तियार दुरुपयोग अनुसन्धान आयोगले सानातिना खुद्रे ५–१० हजार भ्रष्टाचार गर्नेहरुलाई कारवाही गरेर प्रगतीको ग्राफ बढाउने गरेको छ । ठूला भ्रष्टचारीहरुलाई जोगाउने शिलशिलामा अख्तियार दुरुपयोग अनुसन्धान आयोगले नागरिक उड्डयन प्राधिकरणका महानिर्देशक प्रदीप अधिकारीलाई कारवाही नगर्नुलाई हेरिएको छ ।

महानिर्देशक अधिकारीले पोखरा अन्तर्राष्ट्रिय विमानस्थलमा गरेको आर्थिक अनियमिततालाई अख्तियारले कर्मकाण्डी छानविन गरेर सुनपानी छर्केको समाचार श्रोतले बताएको छ । चिनिया ठेकेदार कम्पनी र प्राधिकरणका कर्मचारीको मिलेमतोमा रु. १० अर्व घोटाला गरिएको थियो । पोखरामा बनाइएको अन्तर्राष्ट्रिय विमानस्थलमा अन्तर्राष्ट्रिय उडान पनि शुरु नहुँदा र चीनले बीआरआई अन्तर्गत बनेको बताएपछि विमानस्थल सञ्चालन थप पेचिलो बनेको छ । हाटहुट र लाटलुटे प्रवृत्तिका अधिकारीलाई अख्तियारले छानविनमा चासो देखाएपछि कारवाहीबाट बच्न पैसाको बोरा बोकेर शक्तिकेन्द्रमा धाउन थालेको समाचार श्रोतले बताएको छ ।

पोखरा अन्तर्राष्ट्रिय विमानस्थल निर्माण आयोजनाका प्रमुख रहेका हालका महानिर्देशक अधिकारीले गौतमबुद्ध अन्तर्राष्ट्रिय विमानस्थल निर्माणमा पनि ठूलो रकम घोटाला गरेको आरोप लागेको छ । शक्तिकेन्द्रलाई मिलाएर चलखेल गर्न पल्केका अधिकारीले आफूभन्दा वरिष्ठहरुलाई पछारेर महानिर्देशक बन्न सफल भएका थिए । खासगरी तात्कालिन पर्यटन मन्त्री प्रेम आलेलाई मोटो रकम बुझाएर डिजी बन्न सफल अधिकारी कुन दिन हतकडी लाग्ने हो भन्दै बेचैन बनेको र राम्रोसँग निदाउन नसकेको उनलाई चिन्नेहरुले बताएका छन् । शुरुमा पर्यटनमन्त्री सुदन किराँतीलाई रौं बराबर नठान्ने अधिकारी अहिले मन्त्री किराँतीको याराना बनेको चर्चा चलेको छ ।