काठमाडौं । प्रधानमन्त्री पुष्पकमल दाहालको देशभरीका आयोजनाहरु हेर्ने एक्सन रुमको प्रयोग नहुँदा राष्ट्रिय गौरवका सडकहरु ध्वस्त बनेको छ । आयोजना निर्देशनालय एडीबी अन्तर्गत पर्ने नारायणघाट–बुटवल सडक खण्डको दुरावस्था यात्रा गर्नेलाई मात्र थाहा हुन्छ । सरकारी अधिकारीहरु सकेसम्म थाहा नै नपाए जस्तो गर्दछन् । प्रधानमन्त्री कार्यालयले एक्सन रुमबाट नारायणघाट–बुटवल र मुग्लिन–पोखरा सडक खण्डको अवस्था हेरेर दबाब र हस्तक्षेप गरेको भए सडकको दुर्गती हुने थिएन । गत वर्षको २०७९ श्रावणसम्म सबै काम सकिनु पर्ने नारायणघाट–बुटवल खण्डको काम करिव ४० प्रतिशत मात्रै सकिएको छ । त्यही हिसावले काम भए सडक सम्पन्न हुन अझै ५ वर्ष लाग्ने समाचार श्रोतले जानकारी दिएको छ । यो सडक एडीबी निर्देशनालय अन्तर्गत पर्दछ । एडीबी निर्देशनालयका प्रमुख चुडाराज ढकाललाई चिनियाँ ठेकेदार कम्पनी चाइना स्टेट इन्जिनियरिङ्ग कर्पोरेशनले नटेर्दा समस्या बढेको र कामले गति लिन नसकेको जानकारहरुले बताएका छन् । ठेकेदारप्रति नरम बन्दा पर्यटकीय नगरी पोखरालाई जोड्ने मुग्लिङ–पोखरा सडक खण्डको जस्तै छ । अनहुई कम्पनीले ठेक्का लिएको पोखरातर्फको पश्चिमखण्ड हरिविजोग छ । कूल ४८ कि.मी. सडकमा ११ प्रतिशत मात्रै काम भएको बताइएको छ । यो सडकको पूर्वीखण्डतर्फ पनि कामको गती लक्ष्य अनुसार छैन । तर पनि एडीबी निर्देशनालयका प्रमुख ठेकेदारलाई दोष थुपारेर पानी माथिको ओभानो बन्ने गरेका छन् । मन्त्रीपरिषद्को कार्यालयबाट प्रर्याप्त पहलकदमी र अनुगमन नहुँदा समस्या उत्पन्न भएको श्रोतले बताएको छ ।

तात्कालिन मन्त्री एवं हालका उपप्रधान तथा गृहमन्त्री नारायणकाजी श्रेष्ठले अनुगमन गरेपछि यी समस्याग्रस्त सडकहरुको अनुगमन नभएको समाचार स्रोतले बताएको छ । हालका मन्त्रीले चासो नलिँदा हुलाकी राजमार्ग, मध्यपहाडी लोकमार्ग, मदन भण्डारी राजमार्ग र उत्तर–दक्षिण कोरिडोर सडकहरु पनि उस्तै समस्या छ । मदन भण्डारी राजमार्गमा केही पुल बनेपनि अन्य संरचना बन्न सकेको छैन भने मध्यपहाडी लोकमार्गको चियो भञ्ज्याङदेखि झुलाघाटसम्म नेकपा एमालेले पैदल यात्रा गर्ने भएपछि आयोजनाका प्रमुख कुवेर नेपाली र सडक विभागका महानिर्देशक कुदाकुद गरेका छन् ।

यसरी सुईहरुको उदासिनताले प्रगती हुन नसकेको राष्ट्रिय गौरवका सडकप्रति मन्त्री प्रकाश ज्वालाको ध्यान पुग्न नसकेको चर्चा चलेको छ । यता एडीबी सडक निर्देशनालयका प्रमुख ढकाललाई कमिशनकै लागि कनिष्ठ भए पनि एडीबी पठाइएको श्रोतले बताएको छ । काकडभिट्टा लौकही सडक खण्डको ठेक्कामा तुदी कन्ट्रक्सनले तीन करोड कमिशन प्रमुख ढकाललाई बुझाएको आरोप लागेको छ । ढकालको सुस्तीपन र गनगने प्रबृत्तिलाई ठेकेदारहरुले नरुचाएको समाचारमा उल्लेख गरिएको छ ।