काठमाडौं÷ काँग्रेस सभापति शेर बहादुर देउवाको आर्शिवादबाट समानुपातिक सांसद र अर्थमन्त्री बनेका डा. प्रकाशशरण महतलाई इतिहाँसकै असफल अर्थमन्त्रीको संज्ञा दिइएको छ । अर्थमन्त्रीमा डा. महत आएपछि आर्थिक क्षेत्र तहसनहस बनेको र आर्थिक मन्दी झन् बढेको जानकारहरुले बताएका छन् । वित्तीय संस्था, बजार सेयर कारोबार र घर जग्गा व्यवसायले गती लिन नसकेको जानकारहरुले बताएका छन् ।

यसैवीच दशैं अगाडि निर्माण व्यवसायीहरुले पाउनु पर्ने करिव ४० अर्ब रुपैयाँ मध्ये ६ अर्व रुपैयाँ निकासा गर्ने अर्थमन्त्री महतले बताएका थिए । अर्थमन्त्रालयमा सल्लाहकारदेखि राजश्व र अर्थसचिव सबै डाक्टरहरुले भरेका अर्थमन्त्री महतले अर्थतन्त्रमा सुधार ल्याउन सकेका छैनन् । जनताको दैनिकी महँगीले कष्टर बन्दै चुलो नवल्ने अवस्थामा पुगेको छ । यस्तो अवस्थामा निर्माण व्यवसायीहरुलाई उपलब्ध गराउने भनिएको ६ अर्व रुपैयाँमा अर्थमन्त्रालयले निकासा दिँदा ४० करोड रुपैयाँ कमिशन मागेको चर्चा चलेको छ । अर्थमन्त्री डा. महतको कार्यशैलीप्रति काँग्रेसका कार्यकर्ता र नेता एवं सांसदहरु सन्तुष्ट छैनन् । अर्थमन्त्रीकै कारण अर्थमन्त्रालयमा कार्यरत काँग्रेस निकट सहसचिवहरु पनि रुष्ट बनेको सामाचार श्रोतले बताएको छ । एमालेप्रति आस्था राख्ने सहसचिवहरुलाई कमिशनकै कारण काखी च्यापेको आरोप डा. महतमाथि लागेको छ ।