नाटक घर बनाउन एउटा इट्टा माग्दै क्षितिज नाट्य प्रतिष्ठान

२०८० भाद्र ३ गते, आईतवार

काठमाडौं । विर्तामोड–१ झापामा रहेको क्षितिज नाट्य प्रतिष्ठानले झापामा नाटक घर बनाउन एक थान इट्टा माग्ने अभियान सञ्चालनमा ल्याएको छ ।
प्रतिष्ठानका अध्यक्ष माधव कल्पितले सबैसँग कम्तीमा एक थान इट्टा सहयोग मागिएको बताए । प्रतिष्ठानले ४ वर्षअघि सुरु गरेको यो अभियानबाट झण्डै २ करोड रुपैंयाँ बराबर संकलन भएको छ । प्रतिष्ठानले बिहीबार काठमाडौंमा आयोजना गरेको पत्रकार सम्मेलनमा अध्यक्ष कल्पितले नाटक घर निर्माणका लागि सडकदेखि सदनसम्म एक थान इट्टा माग्ने अभियान चलाइएको बताए । २०५८ सालमा मेचीको पाँचथरमा स्थापना भएको प्रतिष्ठानले केही जग्गा पनि पाएको छ । झण्डै एक बिगाहा जग्गा भए आफूहरुले चाहेजस्तो भवन बनाउन सकिने अध्यक्ष कल्पितको भनाई छ । अहिले प्रतिष्ठानसँग ३ कठ्ठा ७ धुरमात्र जमिन रहेको छ ।बहुजाती, बहुभाषी, बहुसांस्कृति संग्रहालयसँगै नाटक घर स्थापना गर्ने र कला, संस्कृति र साहित्यको उत्थान गर्ने आफूहरुको लक्ष्य रहेको कार्यक्रमका प्रमुख अतिथि तथा प्रतिष्ठानका सल्लाहकार डा. रमेश शुभेच्छुकले बताए । उनले प्रतिष्ठानले सुरु गरेको अभियानमा सबैको साथ रहनुपर्नेमा जोड दिए । उनले पनि आफ्नो तर्फबाट सक्दो सहयोग गर्ने बताए ।

अध्यक्ष कल्पितले आफूहरुको कामले देशको गौरव बढ्ने र त्यो क्षेत्र पर्यटकीय गन्तव्यको रुपमा विकसित हुने दाबीसमेत गरे । उनले स्थानीय, प्रदेश र केन्द्रीय सरकारको सहयोग भएको खण्डमा थोरै समयमा नै निर्माण सम्पन्न हुने पनि स्पष्ट पारे । उनले एक थान इटा माग्ने अभियान सांकेतिक भएको र सहयोग गर्नेले ठूलो मात्रामा पनि सहयोग गरेको पनि बताए । सबैले एक थान इटा दिए पक्कै पनि भवन बन्छ भनेर यो अभियान चलाइएको उनले बताए ।

प्रतिष्ठानले कोशी प्रदेशभर आफ्ना शाखा र उपशाखा स्थापना भइसकेको जनाएको छ । बालबालिका, युवा र बृद्ध गरी ५ सय ८२ जना यस प्रतिष्ठानसँग आबद्ध भएर आफ्नो कला र प्रतिभा देखाउने गरेको प्रतिष्ठानले जनाएको छ । ‘समाजमा विद्यमान जातीय विभेद, कुरिती, कु–संस्कार र अन्धविश्वासविरुद्ध गाउँबस्तीका टोलटोलसम्म पुगेर नाटकीय माध्यमबाट सचेतना प्रदान गर्ने उद्येश्यले यसको स्थापना भएको छ’ प्रतिष्ठानद्वारा विज्ञप्तीमा भनिएको छ ‘स्थापनाकालदेखि नै यस प्रतिष्ठानले गाउँबस्तीका दूरदराजसम्म पुगेर लागूऔषध न्यूनीकरण, महिला हिंसा, मानव बेचबिखन, वन तथा वातावरण संरक्षणलगायतका यावत् विषयमा समाजमा सचेतना छर्दै आएको छ ।’

२०७५ साल असार ११ गतेदेखि एक थान इट्टा माग्ने अभियान सञ्चालन गरेको प्रतिष्ठानले आफूहरुको महान काममा सहयोग गर्न सबैलाई आव्हान गरेको छ । पहिचानसहितको पूर्वीय संस्कृति बचाउने उद्येश्यका साथ सांस्कृतिक संग्रहालय निर्माण गर्न लागिएको प्रतिष्ठानले जनाएको छ ।

211 Views

Leave a Reply

Your email address will not be published. Required fields are marked *

ताजा

पद्मावती-सुनन्दा साङ्गीतिक साँझ सम्पन्न

२०८३ कार्तिक १५ गते, आईतवार

पद्मावती-सुनन्दा साङ्गीतिक साँझ सम्पन्न

२०८३ कार्तिक १५ गते, आईतवार

गोकर्णेश्वर इसाई समाजद्वारा खुला रक्तदान कार्यक्रम सम्पन्न

२०८३ कार्तिक १० गते, मंगलवार

विश्व सोतोकान कराते च्याम्पियनसिपमा नेपालको प्रतिनिधित्व गर्दै चित्रप्रसाद श्रेष्ठ

२०८३ आश्विन २५ गते, आईतवार

प्रसिद्ध बलिउड अभिनेता नाना पाटेकरको निधन

२०८३ आश्विन २२ गते, बिहीबार

मर्मतसम्भार गर्नुपर्ने भएकाले मनकामना केबलकार आज बन्द हुने

२०८३ आश्विन २० गते, मंगलवार

दाङ, बर्दिया र कैलालीमा भारी वर्षा

२०८३ आश्विन २० गते, मंगलवार

काँग्रेस महाधिवेशनः १० बजेदेखि दिउँसो ३ बजेसम्म उम्मेदवारको मनोनयन दर्ता

२०८३ आश्विन २० गते, मंगलवार

लिङ्देनको चेतावनीः अहिले देश लिग बाहिर गएको छ

२०८३ आश्विन १८ गते, आईतवार

काँग्रेसको १५औं महाधिवेशनः गगन थापाको राजनीतिक प्रतिवेदनः सरकारलाई खबरदारीदेखि कांग्रेस पुनर्संरचनासम्म २९ प्रस्ताव

२०८३ आश्विन १८ गते, आईतवार

‘छत्तीसको आँकडा’को रिलिज मिति घोषणा

२०८३ आश्विन १८ गते, आईतवार

2020 Copyrights Reserved at dnfkhabar.com

Designed & Developed By Web House Nepal