काठमाडौं / स्वतन्त्र सांसद महावीर पुन फेरि मन्त्री बन्ने भएका छन् । प्रधानमन्त्री बालेन्द्र शाह (बालेन) ले पुनलाई मन्त्री नियुक्त गर्न लागेका हुन्।

स्वतन्त्र सांसद पुन मन्त्री बनेसँगै रास्वपाको संसदमा एक सिट बढेर १ सय ८३ हुनेछ । प्रतिनिधि सभामा रास्वपाको दुई तिहाई बहुमतका लागि अब मात्र एक सिट अपुग हुनेछ । सुशिला कार्की नेतृत्वको चुनावी सरकारमा पनि पुन शिक्षामन्त्री थिए।

रास्वपाले चुनावमा पुनलाई समर्थन गरेको थियो। त्यतिबेला मन्त्रीबाट राजीनामा दिँदा पुनले शिक्षा सुधारका निम्ति तयार पारिएका ३ वटा विधेयक विधायन समितिमा थन्किँदा आफूलाई ठेस लागेर राजीनामा दिएकाे बताएका थिए। पुनकै मागअनुसार सरकारले शिक्षा मन्त्रालयलाज्ञ फुटाएर विज्ञान, प्रविधि तथा नवप्रवर्तन मन्त्रालय गठन गरेको थियो।