काठमाडौं । सभामुख देवराज घिमिरेले प्रतिपक्षी दल राष्ट्रिय प्रजातन्त्र पार्टी (राप्रपा)को बहिष्कारबीच प्रतिनिधिसभा बैठक अगाडि बढाएका छन् । संसद् अगाडि बढेपछि राप्रपाका सांसदहरू बैठक बहिष्कार गरेर बाहिरिएका छन् ।

त्यसअघि सभामुख घिमिरेले उपलब्ध गराएको समयमा बोल्दै राप्रपाका अध्यक्ष राजेन्द्र लिङ्देनले जबरजस्ती संसद्लाई अगाडि बढाउने काम भइराखे आफूहरूले बहिष्कार गर्ने बताएका थिए ।

‘विरोध जारी राखेको बेला जबरजस्ती संसद् अगाडि बढाउनु संसदीय मर्यादाका दृष्टिकोणले पनि उचित हुँदैन,’ लिङदेनले भने, ‘समस्या समाधान नभइ संसद अवरुद्ध भइरहेको अवस्थामा जबरजस्ती बैठक अघि बढाउने काम नहोस् । जबरजस्ती संसद्लाई अगाडि बढाउने काम भइरहेको छ, यो कर्मकाण्डमा राप्रपा सहभागी हुँदैन ।’