रास्वपाबाट अरु दलहरुले पनि सिक्ने कि ?

२०८० श्रावण २७ गते, शनिबार

गणेश जि.सी
काठमाडौं । राजनीतिक द्वन्द्वका कारण अवरूद्ध संसद बैठकबापत राष्ट्रिय स्वतन्त्र पार्टी (रास्वपा) ले कुनै पनि सेवा सुविधा नलिने बताएको छ । पार्टीका अध्यक्ष तथा संसदीय दलका नेता रवि लामिछाने नेतृत्वको टोलीले हिजो शुक्रबार सभामुख देवराज घिमिरेलाई भेटेर यस्तो जानकारी दिएको हो ।
पछिल्लो समय राजनीतिक द्वन्द्वका कारण पटक–पटक संसद बैठक अवरोध हुँदै आएको छ । संसदको प्रमुख प्रतिपक्षी दल नेकपा (एमाले) ले आफूहरुको माग पूरा नभएको भन्दै बैठक अवरोध गर्दै आएको छ । एमालेसँगै राष्ट्रिय प्रजातन्त्र पार्टी (राप्रपा) ले पनि विभिन्न कारण देखाएर संसद बैठक अवरोध गरेको छ । खासगरी राप्रपाले एमालेले संसद अवरोध गर्ने बित्तिकै साथ दिन थालेको छ । हिजोका दिनमा अरु सामान्य कारणले पनि संसद बैठक अवरोध गर्ने एमालेले अहिले त्रिभुवन विमानस्थलबाट भित्रिएको सुन तस्करीको मुद्धा उठाएको छ ।
एमालेले सुन प्रकरणबारे छानबीन गर्न उच्चस्तरीय छानबीन समिति गठन गर्नुपर्ने अडान राख्दै आएको छ । सरकारले भनें यसको लागि छुट्टै छानबीन समिति नचाहिएको बताउँदै आएको छ । सरकारले अन्य सम्बन्धित निकायले छानबीन गरिरहेकाले अर्को समिति आवश्यक नपरेको प्रतिक्रिया दिए पनि एमाले भनें मानिरहेको छैन । केही दिनअघि संसदमा उपप्रधानमन्त्री तथा गृहमन्त्री नारायणकाजी श्रेष्ठले सुन प्रकरणबारे जवाफ दिएका थिए । एमालेले गृहमन्त्रीको जवाफ चित्तबुझ्दो नभएको पनि आरोप लगाएको छ ।
पटक पटक संसद अवरोध हुँदा जनताका आवाज कुण्ठित हुँदै आएका छन् । रास्वपाले सभामुखलाई संसद नियमित सञ्चालन गर्न पनि आग्रह गरेको छ । सभामुख घिमिरेलाई पत्र बुझाउँदै रास्वपा संसदीय दलका नेता लामिछानेले अहिलेसम्म पठाएको भए हिसाब मिलान गर्न पनि आग्रह गरेका छन् ।
‘राजनीतिक द्वन्द्वका कारण अवरुद्ध संसदको समयको कुनै पनि सेवा सुविधा हाम्रो पार्टीले नलिने सम्माननीय सभामुखमार्फत प्रतिबद्धता जाहेर गर्छ । साथै, हालसम्ममा हामीले पाएको भए पनि त्यसको उपयुक्त मिलान गरिदिने व्यवस्थाका लागि समेत हार्दिक अनुरोध गर्छ,’ रास्वपाले बुझाएको पत्रमा भनिएको छ । रास्वपाका प्रतिनिधिसभामा उपसभामुखसहित २१ जना सांसद रहेका छन् । संसद अवरुद्ध भइरहँदा जनताका मुद्दा, दैनानुदिनका समस्या र राष्ट्रमाथि परेका संकटहरुका विषयमा सदनमा कुरा राख्न नपाउँदा सांसदहरुको सार्वभौम अधिकार हनन हुन पुगेको पनि रास्वपाले पत्रमार्फत जनाएको छ ।

9 Views

ताजा

पाँचौ सगरमाथा म्युजिक अवार्ड २०८० असोज २६ मा हुने

२०८० आश्विन ५ गते, शुक्रबार

पाँचौ सगरमाथा म्युजिक अवार्ड २०८० असोज २६ मा हुने

२०८० आश्विन ५ गते, शुक्रबार

दलाल पूँजीपतिद्वारा संक्रमित व्यवस्थापिका र कार्यपालिका

२०८० आश्विन ५ गते, शुक्रबार

संगीत सुख दुःखको सारथी हो

२०८० आश्विन ५ गते, शुक्रबार

शिक्षकहरुको काठमाडौंमा वृहत सडक आन्दोलन

२०८० आश्विन ३ गते, बुधबार

एमालेको राष्ट्रिय झण्डासँग सेल्फी कार्यक्रम

२०८० आश्विन ३ गते, बुधबार

संविधानले सम्झिएका सुशील र सुवास

२०८० आश्विन ३ गते, बुधबार

आमनागरिकलाई सामाजिक सुरक्षाको प्रत्याभूति प्रदान गर्नुपर्दछः राष्ट्रपति पौडेल

२०८० आश्विन ३ गते, बुधबार

संविधानको कार्यान्वयनमार्फत जनताको जीवनस्तरमा आमूल परिवर्तन गर्न सरकार प्रतिबद्ध छःः प्रधानमन्त्री दाहाल

२०८० आश्विन ३ गते, बुधबार

मुलुकलाई संविधानले समृद्धितर्फ अघि बढ्न दिशानिर्देश गरेको छः देउवा

२०८० आश्विन ३ गते, बुधबार

आज संविधान दिवस, सार्वजनिक विदा

२०८० आश्विन ३ गते, बुधबार

लोकप्रिय

दलाल पूँजीपति वर्ग नै हाम्रो प्रमुख शत्रु हो

२०८० भाद्र २२ गते, शुक्रबार

शनिबार काठमाडौंका ५० भन्दा बढी ठाउँमा विद्युत् सेवा अवरुद्ध हुने

२०८० भाद्र १ गते, शुक्रबार

काठमाडौं महानगरपालिकाद्वारा खुल्ला दूध बेचबिखन, पानीपुरी, चटपटेमा रोक लगाउने तयारी

२०८० श्रावण २८ गते, आईतवार

राजकुमारको कृषि कथाः कर्म गर, सफलता पछिपछि आउँछ

२०८० असार २४ गते, आईतवार

१ लाख १ हजार १सय ११ रुपैया राशिको आदर्श पत्रकारिता पुरस्कार किशोर नेपाललाई

२०७९ चैत्र २४ गते, शुक्रबार

धनकुटा महोत्सवमा ३० जना घाइते

२०७९ माघ १५ गते, आईतवार

निर्मला कुर्मी प्रकरणः रुबी खानसहित केही अधिकारकर्मी पक्राउ

२०७९ माघ ९ गते, सोमबार

विदेशमा रहेका नेपालीलाई रविको जागिर अफर– ‘तपाईंलाई लिन म आफैं एयरपोर्ट आउँछु’

२०७९ पुष ८ गते, शुक्रबार

भाईरल बरिशा, हिरोईन रश्मिकाले भेट्न आउने ईच्छा ब्यक्त गरेपछी….

२०७९ आश्विन ४ गते, मंगलवार

2020 Copyrights Reserved at dnfkhabar.com

Designed & Developed By Web House Nepal