काठमाडौं । प्रतिनिधिसभाका सांसद डा. अमरेशकुमार सिंहले निजगढ अन्तर्राष्ट्रिय विमानस्थल बनाउन आवश्यक नभएको बताएका छन् ।

बुधवार प्रतिनिधिसभा बैठकमा संस्कृति, पर्यटन तथा नागरिक उड्ड्यन मन्त्रालय, गृह मन्त्रालय, रक्षा मन्त्रालय, प्रधानमन्त्री तथा मन्त्रीपरिषद् कार्यालय, राष्ट्रिय योजना आयोगको विनियोजन शीर्षकमाथिको छलफलका भाग लिँदै उनले निजगढ अन्तर्राष्ट्रिय विमानस्थल बनाउन कुरामा आपत्ति जनाए ।

पोखरा अन्तर्राष्ट्रिय विमानस्थल र भैरहवा अन्तर्राष्ट्रिय विमानस्थलले काम गर्न नसकिरहेका बेला थप विमानस्थल बनाउन आवश्यक नभएको उनको तर्क छ । ‘निजगढ एयरपोर्ट बनाउने कुरामा मेरो आपत्ति छ । किनकी निजगढ एयरपोर्टयता दुई वटा विमानस्थल काम गर्न सकिरहेका छैन,ु उनले भने, ुअर्को निजगढ एयरपोर्टको आवश्यकता के ? त्यो आवश्यक छैन । के त्यहाँ भैंसी चराउन एयरपोर्ट बनाउने ?’