काठमाडौं । निजी क्षेत्रको सबैभन्दा ठूलो इन्टरनेट सेवा प्रदायक वर्ल्डलिङ्क कम्युनिकेशन्सले इन्टरनेटको स्पिड स्लो भए पैसा फिर्ता दिने आकर्षक सुविधा ल्याएको छ ।

नेपाली इन्टरनेट सेवा प्रदायकहरूबीच पहिलोपटक वर्ल्डलिङ्कले शर्त अनुसारको सेवा ग्राहकले नपाए रकम फिर्ता गर्ने योजना ल्याएको छ । आफ्ना ग्राहकहरूलाई अब वर्ल्डलिङ्को इन्टरनेट स्पिड स्लो हुँदैन भन्ने विश्वास दिलाउन रकम नै फिर्ता दिने योजना ल्याएको हो ।

यो समयमा जब अरु सबै कम्पनीहरू मूल्यको प्रतिस्पर्धामा रहेका छन् भने वर्ल्डलिङ्कले गुणस्तरीय सेवालाई प्राथमिकता दिएको छ ।

स्ट्यान्डर्ड प्याकेज प्रयोगकर्ताले पाउछन् मनि ब्याक ग्यारेन्टी

वर्ल्डलिङ्कका ७ लाख ८० हजार ग्राहकहरू रहेका छन् भने जस अन्र्तगत ‘स्ट्यान्डर्ड अफर प्याकेज’ २०० एमबीपीएस, २५० एमबीपीएस र ३०० एमबीपीएसको इन्टरनेट प्रयोग गर्ने प्रयोगकर्ताहरूले कुनै थप शुल्कविना नै यो सेवा पाउने वर्ल्डलिङ्कले जनाएको छ ।
हाललाई यी बाहेक अरू कुनै प्याकेजमा रहेका ग्राहकहरूलाई यो मनि ब्याक ग्यारेन्टीको सुविधा उपलब्ध हुनेछैन । अन्य ग्राहकले पनि आफ्नो प्याकेजलाई अपग्रेड गरेमा मनि ब्याक ग्यारेन्टी सुविधा प्रयोग गर्न पाउनेछन् । यो सुविधा दिनका लागि कम्पनीले थप आवश्यक प्राविधिक कर्मचारीहरू परिचालन गर्नेछ ।
कसरी दाबी गर्ने ?कति रकम फिर्ता हुन्छ ?

ग्राहकको इन्टरनेट स्पिड स्लो हुने बित्तिकै रकम फिर्ता पाइहाल्ने भने होइन । स्ट्यान्डर्ड प्याकेज प्रयोगकर्ताले आफ्नो स्पिड स्लो भएको फोनमार्फत, शाखा कार्यालय वा अनलाइन सेवाबाट जानकारी गराउनु पर्नेछ ।

वर्ल्डलिङ्कले आफ्ना प्राविधिक कर्मचारीलाई ग्राहकको ठेगानामा इन्टरनेट स्पीड चेक गर्न पठाउनेछ, इन्टरनेट स्लो भएको कारण पत्ता लगाइ समस्याको समाधान गर्नेछ ।

तथापि स्पीडको समस्या यथावत रहेमा ग्राहकले मनि ब्याक ग्यारेन्टी सुविधा अन्तर्गत पैसा फिर्ता माग गर्न सक्नेछन् ।

रकम फिर्ता माग गर्दा ग्राहकले प्याकेज लिँदा बाँकी रहेको दिन बराबरको रकम मात्र फिर्ता पाउने व्यवस्था रहेको कम्पनीले जनाएको छ ।
उदाहरणको लागि ९० दिनको प्याकेज लिएकोे ग्राहकले २५ दिन उपभोग गरिसकेको छ भने ६५ दिनको रकम मात्र फिर्ता पाउनेछ ।

कसले दाबी गर्ने ?

इन्टरनेट स्पिड स्लो भएको ग्राहकहरूले ९२०० एमबीपीएस, २५० एमबीपीएस र ३०० एमबीपीएस० यस सुविधा अन्तर्गत आफ्नो गुनासो दाबी गर्न सक्छन् ।

यदि इन्टरनेट स्पिड स्लो हुँदा वर्ल्डलिङ्कले समस्या समाधान गर्न नसकेको खण्डमा मात्र मनि ब्याक ग्यारेन्टी अफर लागु हुनेछ ।

५१ वटा शाखामा सर्भिस ग्यारेन्टीको अफर

वर्ल्डलिङ्कले देशभरका मुख्य शहरहरूमा मनि ब्याक ग्यारेन्टीको सुविधा लागु हुने जनाएको छ । जसमध्ये ५१ वटा शाखाका ग्राहकहरूले सुविधाको फाइदा लिन सक्नेछन् । जसमा देशभरका सबै मुख्य शहरहरू पर्दछन् । वर्ल्डलिङ्कले आउने दिनहरूमा यो सुविधा अरू शाखाहरूमा पनि उपलब्ध गराउँदै जाने छ ।

वर्ल्डलिङ्कको सेवा दुर्गम क्षेत्रमासमेत पुगिसकेको छ र २७ वर्षदेखि आफ्नो उपस्थिति रहेको वर्ल्डलिङ्कको पहुँच नेपालको ७४ जिल्लामा पुगिसकेको छ ।