गठबन्धनमा उम्मेदवार भागवण्डाः कार्यकर्ताको भावनामाथि देउवाको चरम खेलवाड

२०७९ बैशाख ८ गते, बिहीबार

काठमाडौं । स्थानीय तह निर्वाचन हुने कुरामा प्रमुख प्रतिपक्षी दल नेकपा एमालेले अझै आशंका व्यक्त गरिरहेको छ । सत्तारुढ घटक भित्र चुनावी तालमेलमा उत्पन्न हुँदै गएको असहज परिस्थितिका कारण कुनै कारण देखाएर अझै निर्वाचन सार्ने चलखेलमा सत्तारुढ गढबन्धन रहेको उसको निष्कर्ष छ । यद्यपि आगामी वैशाख ३० गतेका लागि घोषित स्थानीय तह निर्वाचनलाई ध्यानमा राखेर उम्मेदवारी छनौटदेखि घोषणा पत्र सार्वजनिक गर्ने क्रम तिब्र हुँदै गएको छ ।
महानगर, उपमहानगर, नगरपालिका र गाउँपालिकाका उम्मेदवारहरुको भागवण्डा कसरी गर्ने भन्ने विषयमा सत्तागठबन्धनका पाँच दल गत सोमबारयता निरन्तर छलफलमा छन् । ६ वटा महानगर र ११ वटा उपमहानगर पालिकामा उनीहरुबीच सहमति जुटिसकेको बताइएको छ । सहमति जुटिसकेको भनिएका स्थानीय तहमा समेत केन्द्रको निर्णय अस्वीकार गर्ने सम्बन्धित पार्टी कमिटीहरुले घोषणा गरेका छन् । यो घोषणाले मुख्यगरी सत्ताको नेतृत्व गरिरहेको दल नेपाली काँग्रेस चरम संकटमा छ । तथापि पार्टीभित्रको यो चरम संकटलाई वेवास्ता गर्दै काँग्रेस सभापति समेत रहेका प्रधानमन्त्री शेरबहादुर देउवा दिनहुँ गठबन्धनमा आबद्ध नेकपा माओवादी केन्द्र, नेकपा एकीकृत समाजवादी, जनता समाजवादी पार्टी र राष्ट्रिय जनमोर्चाका शीर्ष नेताहरुसँग प्रधानमन्त्रीको सरकारी निवास बालुवाटारमा दिनहुँ छलफल गरिरहेका छन् । केन्द्रीय तहमा शीर्ष नेतृत्वबीच स्थानीय तह निर्वाचनमा गठबन्धनका लागि सभापति देउवाले तीब्र कसरत गरिरहे पनि यो पार्टीका लागि प्रत्युत्पादक हुने बहुसंख्यक नेता, कार्यकर्ताहरुको मत छ ।
काँग्रेस महामन्त्रीद्वय गगन थापा र विश्वप्रकाश शर्मा लगायतका नेताहरुले सार्वजनिक रुपमै काँग्रेस कार्यकर्ता र शुभेच्छुक मतदाताहरु गठबन्धनको पक्षमा नरहेको सार्वजनिक अभिव्यक्ति नै दिइरहेका छन् । गगन संस्थापतइतर पक्ष मानिन्छन् । शेखर कोइराला नेतृत्वको संस्थापनइतर पक्ष शुरुदेखि नै काँग्रेसले स्थानीय तह निर्वाचनमा एक्लै प्रतिस्पर्धा गर्नुपर्ने पक्ष अडिग छ । तर, संस्थापन पक्ष पेलेरै भए पनि गठबन्धन गर्ने रणनीतिमा रहेको देखिन्छ । यस मुद्धामा आम नेता र कार्यकर्ताहरुको साथ संस्थापनईतर समूहलाई छ । जसले काँग्रेसका आम कार्यकर्ताहरुको भावनाविपरित गठबन्धनमा जान नहुने बताइरहेका छन् । गठबन्धन दलहरुबीच उम्मेदवार भागवण्डामा सहमति भइसकेको भनिएको महानगरमा देखिएको काँग्रेस कार्यकर्ताहरुको असन्तुष्टिले नै संस्थापनईतर समूहको तर्कलाई बल पुगेको छ ।
मंगलबार बेलुका गठबन्धनकारी दलहरुबीच महानगरमा उम्मेदवार बाँडफाँड टुंगिएको समाचार प्रभाहित भएसँगै भरतपुर र पोखराका काँग्रेस कार्यकर्ताहरुले विद्रोह शुरु गरिसकेका छन् । गठबन्धनले काँग्रेसलाई तीन र अन्य दललाई १–१ उम्मेदवार दिने गरी महानगरको भागवण्डा टुंग्याएको थियो । तर भरतपुर महानगरमा माओवादी केन्द्र र पोखरामा नेकपा एकीकृत समाजवादीलाई मतदान गर्न नसकिने स्पष्ट जनाउ त्यहाँको स्थानीय नेतृत्वले पार्टी सभापति देउवालाई गराई सकेको छ । सत्तारुढ गठबन्धनबीच पोखरा महानगरपालिकाको मेयर पद एकीकृत समाजवादीलाई दिने सहमतिपछि नेपाली कांग्रेस कास्की कार्यालयमा तालाबन्दी गरिएको छ । कांग्रेसको पोखरा महानगर समितिले जिल्ला कार्यालयमा तालाबन्दी गरेको हो । महानगरका सचिव टुवराज बास्तोला र गणेशबहादुर थापाले संयुक्त विज्ञप्ति जारी गरी तालाबन्दीको निर्णय गरेका हुन् । उनीहरूले जिल्ला कार्यसमितिसँग मात्रै सोधेर पोखराको मेयर एकीकृत समाजवादीलाई सुम्पेको भन्दै आफ्नो आत्मसम्मानमा चोट पुगेको बताएका छन् ।
‘प्रदेश र जिल्ला सभापतिलाई किनाराको साक्षी राख्दै नेकपा एसलाई मेयर पदमा प्रश्ताव गरिएको समाचारले महानगर समिति उपेक्षित भएको महसुस भएको छ,’ विज्ञप्तिमा भनिएको छ, ‘हामी पनि विधानअनुसार निर्वाचित भएका हौं । यस्ता निर्णयले कांग्रेसका पहरेदार सिपाहीहरूको आत्मसम्मानमा गम्भीर चोट लागेको छ ।’
सत्ताभन्दा माथि उठेर आमकार्यकर्ताको मनोभावना उच्च राख्न महानगरले जिल्लाको पार्टी कार्यालयमा तालाबन्दी गरेको थापाले बताए । ‘आगामी दिनमा अपनाइने संघर्षका कार्यक्रममा आमसहमति रहने अपेक्षा गर्दै यो ध्यानाकर्षण पत्र जिल्ला कार्यसमिति एवं गण्डकी प्रदेश कार्य समिति लाई पेस गर्दर्छौं,’ विज्ञप्तिमा भनिएको छ ।
उता, केन्द्रीय तहमा भरतपुर महानगरपालिकाको मेयर पद माओवादी केन्द्रलाई दिने सहमति भएपछि चितवनका कांग्रेस नेताहरूले अपत्ति जनाएका छन् । उनीहरुले यसपटक कुनै हालतमा भरतपुरमा कांग्रेसले माओवादी केन्द्रलाई सहयोग नगर्ने बताएका छन् । गत निर्वाचनमा पनि भरतपुरमा कांग्रेसले माओवादी केन्द्रलाई सघाएको थियो । त्यसबेला कांग्रेसबाट दिनेश कोइरालाले उम्मेदवारी दिएका थिए । केन्द्रीय सभापति शेरबहादुर देउवाले पत्राचार गरेर उनको उम्मेदवारी फिर्ता लिएका थिए ।
हाल कांग्रेस केन्द्रीय सदस्य दिनेश कोइरालाले मंगलबार साँझ विज्ञप्ति जारी गर्दै पार्टीले त्यस्तो निर्णय नै गर्न नसक्ने र पार्टीको केन्द्रीय समितिको निर्णयअनुसार समेत त्यस्तो निर्णय गर्न नमिल्ने बताएका छन् । माओवादी केन्द्रका अध्यक्ष पुष्पकमल दाहालकी छोरी तथा हालकी मेयर रेणु दाहाललाई नै कांग्रेसको समर्थन गराउन व्यापक प्रयास र षड्यन्त्र भइरहेको उनको भनाइ छ । कोइरालाले विज्ञप्तिमार्फत् भनेका छन्, ‘कांग्रेस भरतपुरका २९ वटै वडा, महानगर कार्यसमिति र चितवन जिल्ला कार्यसमितिले समेत चितवनमा मेयर कांग्रेसले पाउनुपर्ने निर्णय लिएका छन् । त्यसैले कांग्रेसले नै भरतपुरको मेयर पदमा उम्मेदवारी दिन्छ ।’ चितवनका समस्त कांग्रेसजन र आमजनताको विचार तथा भावनाविपरीत अन्य पार्टीलाई मेयरमा समर्थन गर्न नसकिने उनले बताएका छन् ।

9 Views

ताजा

प्रधानमन्त्रीको गृहनगर डडेल्धुरा गन्यापधुरा–४ मा कांग्रेसको प्यानलै विजयी

२०७९ बैशाख ३१ गते, शनिबार

प्रधानमन्त्रीको गृहनगर डडेल्धुरा गन्यापधुरा–४ मा कांग्रेसको प्यानलै विजयी

२०७९ बैशाख ३१ गते, शनिबार

दाङको राप्ती गाउँपालिकामा माओवादी केन्द्रका मगर भारी मतले विजयी

२०७९ बैशाख ३१ गते, शनिबार

बुढानिलकण्ठ १ मा एमालेको प्यानल नै विजयी

२०७९ बैशाख ३१ गते, शनिबार

बर्दियाको गुलरियामा कांग्रेस दोब्बर मतले अगाडि

२०७९ बैशाख ३१ गते, शनिबार

शंकरापुरमा राप्रपाको सुरुवाती अग्रता

२०७९ बैशाख ३१ गते, शनिबार

दैलेखको नौमुले गाउँपालिका–१ मा काँग्रेसका थापा विजयी

२०७९ बैशाख ३१ गते, शनिबार

सल्यानको कुमाख गाउँपालिका १ माओवादी केन्द्रको प्यानलै विजयी

२०७९ बैशाख ३१ गते, शनिबार

मनाङको नार्पाभूमि गाउँपालिकामा काँग्रेसका लामा विजयी

२०७९ बैशाख ३१ गते, शनिबार

गुल्मीको रेसुंगा २ र ३ मा कांग्रेसको प्यानलै विजयी

२०७९ बैशाख ३१ गते, शनिबार

बुटवलमा काँग्रेस अघिअघि, राप्रपा पछिपछि

२०७९ बैशाख ३१ गते, शनिबार

लोकप्रिय

मौन अविधि आज राति १२ बजेबाट सुरु हुने, उल्लंघन गरे कारबाही

२०७९ बैशाख २७ गते, मंगलवार

दाजुद्वारा भाईको कफीशप उद्घाटन

२०७८ पुष १९ गते, सोमबार
२९ गते नेपाल बन्द हुँदै

पेट्रोलियम पदार्थको मूल्यवृद्धिविरुद्ध ३० गते नेपाल बन्द

२०७८ कार्तिक २६ गते, शुक्रबार

सुरजवीर बज्राचार्यको नयाँ गीत ‘हाकुमैंचा’ सार्वजनिक (गीतसहित)

२०७८ भाद्र ६ गते, आईतवार

जेफ बेजोसले आज अंतरिक्षको उडान भर्ने, यो यात्रामा के–के होला

२०७८ श्रावण ५ गते, मंगलवार

खुशीको खबर : ५० कित्ता पर्ने आइपियो निस्कासन हुदै, कहिले होला त निस्कासन ?

२०७८ असार २४ गते, बिहीबार

खुशीकाे खबर ! ३३ करोडको आईपीओ निष्कासन हुँदै, अब पैसा जम्मा गर्नुहाेस् ।

२०७८ असार २४ गते, बिहीबार

खुशीको खबर : ५० कित्ता पर्ने आइपियो निस्कासन हुदै, कहिले होला त निस्कासन ?

२०७८ असार २४ गते, बिहीबार

यूनियन लाइफ इन्स्योरेन्सको आईपीओमा कति पर्यो आवेदन ?

२०७८ असार २४ गते, बिहीबार

2020 Copyrights Reserved at dnfkhabar.com

Designed & Developed By Web House Nepal