काठमाडौं । चर्चित नृत्यांगना सुनिता बस्नेत निषेधाज्ञा खुकुलो भएयता नृत्य प्रशिक्षकसंगै म्युजिक भिडियो निर्देशनमा समेत ब्यस्त बनेकी छन् । उनको कोरियोग्राफी रहेको ‘भाग्यभित्रजीवन’ बोलको म्युजिक भिडियो फुलारा इन्टरटेनमेन्ट नेटवर्क र श्याम खत्रीको संयुक्त निर्माणमा बनेको हो । युवा साहित्यकार एवं गीतकार भीष्मराज फुलाराको शब्द ‘भाग्यभित्र जीवन’ बोलको गीतमा अञ्जु पन्तको स्वर रहेको छ भने बाबुल गीरीले संगीत भरेका छन् । समसामयिक अति मर्मस्पर्धी गीतले नेपाली एकल नारीको भाग्य कस्तो हुन्छ भन्ने कुरा चित्रित गरेको छ । ‘भाग्यभित्र जीवन’को भिडियोमा पृथ्वी प्रसाई र अनु शाहले जिवन्त अभिनय गरेका छन् । कोरियोग्राफर सुनिता बस्नेत, श्रृंगार रुपा मानन्धर, छायांकन सुमन कार्की, मिक्सिङ दिनेश राज बहाक, स्टुडियो द पिक, निर्देशन रामजी लामिछानेकोे रहेको छ ।