स्वास्थ्य सामग्री लिएर गाउँगाउँ पुग्ने सांसद दवाडी को हुन् ?

२०७८ जेष्ठ २४ गते, सोमबार

काठमाडौं । ‘मेरो राजनीति समाजकै टेवाका लागि, मेरो राजनीति तपाइहरुकै सेवाका लागि’ भन्ने नारा बनाएर राजनीतिसँगै समाजसेवामा लागेका गोरखाको क्षेत्र नम्बर २ को ९२० नम्बरबाट निर्वाचित नेपाली कांग्रेसका सांसद प्रकाशचन्द्र दवाडी अहिले धेरैजसो समय आफ्नै निर्वाचन क्षेत्रमा हुन्छन् । कोरोना भाइरसका कारण नागरिकमा समस्या परेपछि उनी जनताको लागि के गर्न सकिन्छ भनेर सधैं चिन्तित रहँदै आएका छन् ।
संसद वैठक हुँदा पोखरा जाने, कहिलेकाँही आवश्यक काम परे काठमाडौं आउनेबाहेक उनको दैनिकी गाउँघरतिर नै बित्ने गरेको छ । उनले कोरोनाको कारण त्रासमा रहेर पीसीआर चेक नगरेका नागरिकलाई पनि सचेतना जगाएर परीक्षण गर्न लगाएका छन् । ‘कोरोना लागिगयो भने के गर्ने होला भनेर उहाँहरु डराउनुभयो, जे पर्छ म गर्छु तपाइहरु चिन्ता नमान्नुहोला भनेपछि उहाँहरु परीक्षण गराउन थाल्नुभयो’ उनले भने ‘केही दिन खुट्टामा समस्या भएकाले मैले रेस्ट गरें त्यतिबेला ठूलो समस्या भएछ जिल्लामा, कोरोना संक्रमण दर बढ्यो नागरिकमा सचेतना जगाउन आवश्यक छ भनेपछि खुट्टो निको नभए पनि हतारहतार गाउँ गएँ ।’ उनले सचेतनासँगै नागरिकलाई यो बेला चाहिने आवश्यक सामग्री वितरण गर्दै आएका छन् । उनले दैनिकी नचलेका परिवारका लागि आफ्नो तर्फबाट आर्थिक सहयोग पनि गरेका छन् ।
उनले सिरान्चोक गाउँपालिक ३ हर्मी, सिरान्चोक–२ थालाजुङ, अजिरकोट गाउँपालिका अन्य वडाहरु, बारपाक सुलिकोट गाउँपालिकाको वडा नम्बर ३ खार्चोक भञ्ज्याङ्, वडा नम्बर ४ सौरपानी, वडा नम्बर– ८ पन्द्रुङको स्वास्थ्य चौकीहरुमा अक्सिजन कन्सन्टेटर मेसिनसहित स्वास्थ्य सामग्रीहरु उपलब्ध गराएका छन् । उनले जनताको पीडाले आफूलाई छोएको भन्दै थपे ‘जनताले मैले केही गर्छु भनेर नै मतदान गर्नुभएको हो त्यसैले पनि उहाँहरुको हरेक दुःखमा पुगेर मल्हम लगाउने प्रयास गरिरहेको छु ।’ उनले केही थान अक्सिजन कन्सन्टेटर मेसिनहरु उपलब्ध गराइदिनु भएकोमा सहयोगी मनका धनी डा।शितल अधिकारी, प्रताप देवकोटा, बिनोद ढकालप्रति आभारसमेत व्यक्त गरेका छन् ।
उनले गाउँघरमा कापी किताव अभावका कारण पढ्न नपाएका विद्यार्थीलाई शैक्षिक सामग्री पनि किनिदिएका छन् । आफ्नै खर्चबाट विभिन्न क्लव र आमा समूहलाई पनि सामूहिक कामको लागि आर्थिक सहयोग गर्न पनि उनी पछि परेका छैनन् । केही समयअघि सांसद दवाडीले बारपाक सुलिकोट गाउँपालिका ३ गमबाङको एक परिवारलाई खाद्यान्न र बालबालिकालाई कलम कापी सहयोग गरेका छन् । ‘पेटभरि खान नपाएर उनका लालाबाला भोकले रातभरि रोएरै बिताउँछन् भन्ने खवरले असहय पीडा भयो’ उनले फेसबुक स्टाटसमा लेखेका छन् ‘आर्थिक अभावका कारण ती बालबालिका कापीकलम नलिइकन स्कुल जाने गरेका छन् भन्ने सुनेपछि भावुक भएँ । हुन त यति थोरै सहयोगले उनीहरुको दुःख मेटिँदैन, तैपनि आफूले जे जति सक्छु त्यति नै सहयोग गर्छु भन्ने लाग्यो ।’
सांसद दवाडी धेरैजसो समय जनतामाझ नै रहने गर्छन् । ‘मलाई जनताले यसै क्षेत्रको विकास गर्न भनेर जिताएका हुन् त्यसैले यो ठाउँ छोड्न मन लाग्दैन’ उनले भने ‘ सानो दुःखमा पनि सहयोग गर्नुपर्छ भन्ने मेरो अभियान हो, मैले केही सहयोग गर्दा हुन्छ भने म पछि हट्दिँन ।’ उनले केही समयअघि गोरखाको पालुङटार नगरपालिकाको सिस्नेरी पुगेर स्व। शिवराम विश्वकर्माको परिवारलाई किरियाखर्च हस्तान्तरण गरेका छन् । उनले विश्वकर्माको परिवारलाई ७ हजार रुपिँया हस्तान्तरण गरेका हुन् । सांसद दवाडीले खर्चको अभावमा समयमा नै उपचार गर्न नसकेर उनको ज्यान गएको पनि जनाएका छन् । उनले आफ्नो जीवन नै समाजसेवाका लागि समर्पित गरिसकेको पनि स्पष्ट पारेका छन् ।
दवाडी गण्डकी प्रदेशसभामा नेपाली कांग्रेस संसदीय दलको प्रवक्ता पनि हुन् ।

230 Views

ताजा

विविध कार्यक्रम गरी सातौँ संविधान दिवस मनाइँदै

२०७८ आश्विन ३ गते, आईतवार

विविध कार्यक्रम गरी सातौँ संविधान दिवस मनाइँदै

२०७८ आश्विन ३ गते, आईतवार

बिस्तारै उठ्दै छ बाढीले बगाएको मनाङ

२०७८ आश्विन ३ गते, आईतवार

वर्षा र सहकालका देवता देवराज इन्द्रको पूजा–आराधना गरी इन्द्रजात्रा पर्व मनाइँदै

२०७८ आश्विन ३ गते, आईतवार

संविधानको सफल कार्यान्वयन गर्न सरकार दृढ छः प्रधानमन्त्री देउवा

२०७८ आश्विन ३ गते, आईतवार

संविधानअन्तर्गत नेपालको सार्वभौमसत्ता नेपाली जनतामा निहितः राष्ट्रपति

२०७८ आश्विन ३ गते, आईतवार

भरतमणि बने कमेडी च्याम्पियन सिजन–२ को विजेता

२०७८ आश्विन ३ गते, आईतवार

देउवा असफल भएः कोइराला

२०७८ आश्विन २ गते, शनिबार

बराल अनेरास्ववियूको अध्यक्ष

२०७८ आश्विन २ गते, शनिबार

प्रधानमन्त्री देउवा निकम्मा सावित भएः डा. सुन्दरमणि दिक्षित

२०७८ आश्विन २ गते, शनिबार

राष्ट्रपति विद्यादेवी भण्डारीद्वारा ५२३ कैदीको सजाय मिनाहा

२०७८ आश्विन २ गते, शनिबार

लोकप्रिय

सुरजवीर बज्राचार्यको नयाँ गीत ‘हाकुमैंचा’ सार्वजनिक (गीतसहित)

२०७८ भाद्र ६ गते, आईतवार

जेफ बेजोसले आज अंतरिक्षको उडान भर्ने, यो यात्रामा के–के होला

२०७८ श्रावण ५ गते, मंगलवार

खुशीको खबर : ५० कित्ता पर्ने आइपियो निस्कासन हुदै, कहिले होला त निस्कासन ?

२०७८ असार २४ गते, बिहीबार

खुशीकाे खबर ! ३३ करोडको आईपीओ निष्कासन हुँदै, अब पैसा जम्मा गर्नुहाेस् ।

२०७८ असार २४ गते, बिहीबार

खुशीको खबर : ५० कित्ता पर्ने आइपियो निस्कासन हुदै, कहिले होला त निस्कासन ?

२०७८ असार २४ गते, बिहीबार

यूनियन लाइफ इन्स्योरेन्सको आईपीओमा कति पर्यो आवेदन ?

२०७८ असार २४ गते, बिहीबार

कहिले हुँदैछ मैलुङखोला जलविद्युतको आइपीओ निष्कासन ? जान्नुहोस

२०७८ असार २४ गते, बिहीबार

फेरि माछापुच्छ्रे बैंक लिमिटेडले सबैलाई पुग्निगरी ३० कित्ता असार ३१ गतेबाट निष्काशन

२०७८ असार २३ गते, बुधबार

बिहीबारदेखि युनियन लाइफको साधारण सेयर बिक्री खुल्ला, कति दिन पाइन्छ आवेदन ?

२०७८ असार २३ गते, बुधबार

2020 Copyrights Reserved at dnfkhabar.com

Designed & Developed By Web House Nepal