काठमाडौ÷ लेखनको क्षेत्रमा आफ्नो पृथक पहिचान बनाएका युवा साहित्यकार तथा गीतकार भीष्मराज फुलाराको नयाँ गीत ‘म मरे भनेत यो शहरको डेरामा…’ हालै सार्वजनिक भएको छ । गीतकार फुलाराको आफ्नै आधिकारिक यूट्युव च्यानल फुलारा इन्टरटेनमेन्ट नेट्वर्क मार्फत सार्वजनिक गरिएको हो । यसमा बाबुल गिरीको स्वर र संगीत संयोजन रहेको गीतको भिडियो फुलारा लिट्रेचर फाउण्डेशन नेपाल र द ल अफिसेस अफ बाशु डी. फुलारा पि.सि.को संयुक्त सहकार्यमा निर्माण भरिएको हो ।
गीतकार फुलाराको यस अघि आमाहरुमा समर्पित गीत ‘जुनसरी बिलाई गयौ.., कोरोना कहर विशेष“ र ‘कस्तो भाइरस आयो..’ जस्ता कारुणीक गीतहरु सार्वजनिक भइसकेका छन् । युवा गीतकार फुलाराका अनुसार अहिलेको बिषम परिस्थिति र बिश्वभरी आक्रान्त भई फैलिएको कोभिड–१९ महामारीको चपेटामा परि कष्टकर जीवन बिताइरहेका आम नागरिक तथा मुलुक वा मुलुक बाहिर सपनाको संसार सजाउन हिंडेका युवापिढी जो शहरका डेरामा बसी कठोर जीवन भोगिरहेका छन् त्यस्तो जनजीवनलाई लक्षित गरि गीत मार्फत उजागर गरिएको छ ।