काठमाडौं । सूर्या लाइफ इन्स्योरेन्स कम्पनी लिमिटेडले ‘सूर्या चौरासी पुजा’ नामक नयाँ बीमा योजना २०७७ फागुन ७ गतेदेखि बजारमा ल्याएको छ । दिर्घ जीवन, समृद्ध भविष्य भन्ने सन्देशका साथ एक कार्यक्रमबीच इन्स्योरेन्सले यो योजना बजारमा ल्याएको हो । बीमा योजनाको शुभारम्भ शताब्दी पुरुष सत्यमोहन जोशीले गरेका थिए । प्रमुख अतिथि जोशीले यस प्रकारको योजनाले बृद्धबृद्धाको लागि राहत मिल्ने बताए । उनले जीवनको अन्तिम साहाराको रुपमा यो बिमा योजना प्रभावकारी रहने समेत दावी गरे ।
यस योजनामा बीमीतको उमेर चौरासी वर्ष पुग्दासम्म रक्षावरण गर्ने छ भने ‘सूर्या चौरासी पुजा’ बीमा योजनाले बीमाङ्कको २ सय पचास प्रतिशतसम्म बीमा कभर प्रदान गर्नेछ । साथै बीमितले बीमाशुल्क भुक्तानी अवधिपश्चात एकमुष्ठ आर्जित बोनस प्राप्त गर्नुका साथै सो पश्चात निजको उमेर ८३ वर्ष नपुग्दासम्म बीमाङ्कको ६ प्रतिशतका दरले वार्षिक पेन्सन समेत प्राप्त हुनेछ । इन्स्युरेन्सले अहिलेसम्म १२ प्रकारका विमा योजना बजारमा ल्याएको छ । इन्सुरेन्सले अरु बिमा कम्पनी भन्दा आफ्नो योजना फरक भएको र बिमितको मन जित्न सक्ने दावी गरेको छ । बीमितको उमेर ८३ पूरा भई ८४ मा प्रवेश गर्दा बीमितलाई बीमाङ्कको १ सय पचास प्रतिशत रकम बिमा वापतको अन्तिम भुक्तानी प्राप्त हुनेछ र सो रकमबाट बीमितले निजको चौरासी पूजा उत्सवका रुपमा धुमधामका साथ मनाउन सक्नेछन् । कम्पनीले बिमितलाई ८४ वर्षको उपलक्ष्यमा आयोजना गर्ने कार्यक्रममा सहज होस् भनेर यस्तो योजना ल्याएको जनाएको छ ।
‘सूर्या चौरासी पुजा ’ बीमा योजना १६ वर्ष देखी ६० वर्षसम्म उमेरका व्यक्तिहरुले १० देखी ५० वर्षसम्म बीमाशुल्क भुक्तानी अवधीका लागि खरीद गर्न सक्नेछन् । न्युनतम १ लाख रुपैया बीमाङ्क तोकिएको सो बीमा योजना एकल भुक्तानी तरिकामा समेत उपलब्ध हुनेछ । बीमा प्रारम्भको दुई वर्षपछि बीमा अवधीभर बीमा समर्पण र बीमालेख धितोमा कर्जा सुविधाको समेत व्यवस्था रहेको छ ।
कार्यक्रममा बोल्दै प्रमुख अतिथि जोशिले सूर्या लाइफ इन्स्योरेन्सले यो योजनाको शुभारम्भ गरेकोमा खुशी व्यक्त गदै सफलताको शुभकामना दिएका छन् । उनले आगामी दिनमा यस योजनाले बृद्ध, बृद्धालगायत उत्पीडितलाई सहयोग पुग्नेमा आफू विश्वस्त रहेको बताए ।
कार्यक्रममा सूर्या लाइफइन्योरेन्सका निमित्त प्रमुख कार्यकारी अधिकृत कमल कुमार खतिवडाले स्वागत गरेका थिए । खतिवडाले ‘सूर्या चौरासी पुजा ’नामक नयाँ बीमा योजनाका बारेमा थप प्रकाश पार्दैै बिमितलाई अलमलमा नपरी विमा गर्न समेत अनुरोध गरे । खतिवडाले आगामी दिनमा यो योजनालाई प्रभावकारी बनाउन आफूहरु सधैं प्रयत्नशील रहने समेत स्पष्ट पारे । उनले यो इन्स्युरेन्सका सबै प्रकारका योजनाहरुले विमितको मन जितेको समेत दावी गरेका छन् ।
कम्पनीका संस्थापक शेयरधनी विवेक झाले यो बीमा योजनालाई कार्यान्वयन गर्न सबैको सहयोग चाहिने बताए । झाले बजारमा विभिन्न योजनाहरु अरु कम्पनीले ल्याए पनि त्यो भन्दा पृथक रहेको समेत स्पष्ट पारे । उनले यो योजनाले भविष्यमा ठूलो फड्को मार्ने पनि बताए । कम्पनीले सोही कार्यक्रममार्फत शताब्दी पुरुष सत्यमोहन जोशीलाई सम्मान गरेको छ । यस्तै कम्पनीले संस्थागत सामाजिक उत्तरदायित्व अन्तर्गतः निःसहाय सेवा प्रदान, शान्तिनगरलाई तीन दिनको खर्च बाराबरको रकम सहयोग समेत गरेको छ । कम्पनीका ब्रान्ड एम्बेसडर गायिका इन्दिरा जोशी, कम्पनीका संस्थापक शेयरधनी विवेक झा, कम्पनीका अध्यक्ष केशब प्रसाद भट्टराईले संयुक्त रुपमा सूर्या चौरासी पुजा बीमा योजनाको शुरुवात भएको घोषणा गरेका थिए ।