काठमाडौं । राष्ट्रपति विद्यादेवी भण्डारीलाई व्यक्तिगत रुपमा चरित्रहत्या गर्ने विभिन्न आरोप लगाउँदै भ्रामक प्रचार गर्ने विभाजित नेकपाकी नेतृ रामकुमारी झाँक्रीलाई सोधपुछ गर्न प्रहरीले बोलाएको छ ।
अपराध महाशाखाका प्रमुख एसएसपी दीपक थापाले विघटित प्रतिनिधिसभा सदस्य झाँक्रीलाई गोरखामा केही दिनअघि दिएको अभिव्यक्तिका सन्दर्भमा सोधपुछ गर्न बोलाइएको पुष्टि गरे । झाँक्री आफैं उपस्थित नभए पक्राउ गर्ने प्रहरीको तयारी छ ।
झाँक्रीले गोरखाको कार्यक्रममा राष्ट्रपति भण्डारीप्रति व्यक्तिगत आरोप लगाएको भन्दै विभिन्न संघ संगठनले कारबाही गर्न माग गरेका थिए । झाँक्रीले भाषणमा सेतो सारी लगाएर भोट माग्ने प्रवृतिको बिरोध गदै राष्ट्रपतिलाई शितल निवास छोडेर बालकोट जान भनेकी थिईन ।