काठमाडौं । लेखक तथा विश्लेषक खगेन्द्र संग्रौलाले काठमाडौं महानगरपालिकाको मेयरमा बालेन्द्र शाह आएपछि पनि ‘किन फोहोर उठ्न नसकेको ?’ भन्दै प्रश्न गरेका छन् । उनले मेयरमा निर्वाचितपछि बालेनको दौडधूप तीव्र भएपनि काठमाडौंको फोहोर उठ्न किन ढिलाइ भएको भन्दै प्रश्न गरेका हुन् ।

संग्रौलाले नै फोहोर उठ्न नसक्नुको दुई अनुमान गरेका छन् । उनले गरेको पहिलो अनुमान– बालेनको ढंग नपुग्नु र दोस्रो सरकारबाट असहयोग हुनु ।
‘बालेन सर रातदिन कुद्याकुदेई छन्, तर ढङ्ग नपुगेर हो कि सत्ता कब्जा गरी बसेकाहरूले यिनलाई बिफल तुल्याउन खोजेर हो । उठेन त काठमाडौंको दङदङी गनाउने फोहोर ? बालेन सरले जनहितका एकाध काम गर्न सके पथ भ्रष्ट दलपति र सत्तापति लाठेहरूलाई अलिकता हाँक, अलिकता शबक मिल्थ्यो कि भन्या ?,’ संग्रौलाले ट्विट गरेका छन् ।