काठमाडौं । काठमाडौ बुढानीलकण्ठ नगरपालिकाको कपनमा रहेको प्रशान्ति एकेडेमीमा आजबाट खेलकुद सप्ताह हुने भएको छ ।
एकेडेमीका प्रिन्सिपल समिर बास्तोलाले २० गते शुक्रबारसम्म खेलकुद सप्ताह सञ्चालन हुने जनाएका छन् । विद्यालय परिसर र फुटसलमा समेत सञ्चालन गरिने विभिन्न १६ प्रकारका विधामा ४८ इभेन्ट्स हुने प्रिन्सिपल बास्तोलाले जानकारी दिए । व्यक्तिगतका साथै सामूहिक प्रतियोगिता पनि प्रतिष्पर्धामा समेटिएका छन् । प्रत्येक वर्ष गरिँदै आएको खेल सप्ताह कोभिडका कारण गत २ वर्षदेखि रोकिएको थियो । विद्यालयले अध्यापनका साथै विद्यार्थीहरुको व्यक्तिगत विकासका लागि विभिन्न प्रकारका शैक्षिक र अन्य प्रकारका अतिरिक्त क्रियाकलाप गर्दै आएको छ ।