गठबन्धन बचाउने कि भत्काउने भन्ने नै अन्यौल

२०७८ फाल्गुन ८ गते, आईतवार

रमेशकुमार बोहोरा
काठमाडौं । सत्ता गठबन्धन जोगाउने दाउमा नेकपा (माओवादी केन्द्र) र नेकपा (एकीकृत समाजवादी) रहेका छन् । उता नेकपा एमालेका अध्यक्ष तथा पूर्व प्रधानमन्त्री केपी शर्मा ओली गठबन्धन भत्काउने प्रयासमा छन् । ओली आफूले भनेको माने प्रधानमन्त्री शेरबहादुर देउवालाई जस्तोसुकै सहयोग गर्न तयार भएको बताउँदै आएका छन् ।
बहुचर्चित अमेरिकी सहयोग परियोजना (एमसीसी) का कारण गठबन्धन खतरामा परेको छ । देउवा सबै दलको सहमतिमा नै एमसीसी पास गर्ने योजनामा छन् भने सत्ताका प्रमुख खटक मानिएका नेकपा (माओवादी केन्द्र) र नेकपा (एकीकृत समाजवादी) भनें एमसीसीको विपक्षमा छन् । बुधबार बसेको माओवादी केन्द्रको संसदीय दलको बैठकले सहमतिबिना जवर्जस्ती ढंगले संसदमा एमसीसी टेबुल गरे सरकारबाट बाहिरिने चेतावनी दिएको छ । माओवादी केन्द्रका अध्यक्ष प्रचण्डले कुनै पनि अवस्थामा एमसीसी टेबुल नगर्न देउवालाई दबाब दिँदै आएका छन् । देउवा एमसीसी पास गर्ने समयसीमा सकिन लागेकाले जतिसक्दो छिटो पास गर्ने दाउमा छन् । एमसीसी पास कसरी गर्न सकिन्छ भनेर देउवा पछिल्लो समय राजनीतिक भेटघाटमा लागेका छन् । सरकारले एमसीसी के हो र यो पास गर्दा नेपाल र नेपालीलाई के फाइदा हुन्छ भनेर जनतालाई बुझाउन सकेको छैन । अधिकांश नेताहरुले यसबारे राम्रो अध्ययन नगरेकाले पनि वास्तविकताबारे अझै पनि प्रष्ट छैनन् । पार्टीका प्रमुखले जे भन्छन् त्यही लाइनमा मात्र बोल्दा उनीहरुको आवाज पनि कमजोर बनेको छ । देउवा शुक्रबारको संसद बैठकमा नै एमसीसी ‘टेबुल’ गर्ने पक्षमा थिए तर माधवकुमार नेपाल नेतृत्वको पार्टी नेकपा (एकीकृत समाजवादी) ले दुई दिन समय मागेकाले देउवा ‘व्याक’ भए । नेपालले हिजो पार्टीको बैठक बस्ने र आफ्नो धारणा बनाउने बताएका थिए । शुक्रबार बिहान बसेको सत्ता गठबन्धनको बैठकले पनि एमसीसीबारे साझा धारणा बनाउन नसकेपछि सरकार एमसीसी ‘टेबुल’ गर्नबाट पछि हटेको थियो । आज बिहान १० बजे सत्तारुढ दलको बैठक बस्दैछ भने दिउँसो १ बजे संसद बैठक बोलाइएको छ । संसदबाट नै पारित गर्नुपर्ने व्यवस्था भएकाले एमसीसी पेचिलो बन्दै आएको छ । एमसीसी पास भएपछि नेपालमा खतरा बढी हुने भएकाले जसरी भए पनि यसलाई रोक्नुपर्छ भन्नेमा एउटा लाइन अघि बढेको छ भने अर्को लाइनले धेरै देशले एमसीसी स्विकारेकाले यसबाट कुनै खतरा नहुने बरु विकास र प्रगतिमा सहयोग पुग्ने धारणा राखदै आएका छन् ।
एमसीसीमा नेकपा एमालेको भूमिका सकारात्मक हुन्छ भन्नेमा देउवा आशावादी छन् तर एमालेका नेताहरुले अहिलेसम्म एमसीसीको बारेमा कुनै धारणा नबनाएको प्रतिक्रिया दिँदै आएका छन् । यसअघिको देउवा सरकारले नै एमसीसीको प्रक्रिया अघि बढाएकाले पास गराउनु देउवाको नैतिक जिम्मेवारी पनि रहेको छ । देउवा भरसक सत्ता गठबन्धन नटुटाउन र एमसीसी पनि पास गर्ने पक्षमा छन् । आफूलाई हिजोको दिनमा प्रधानमन्त्री बनाउन सहयोग गरेका माओवादी केन्द्र र नेकपा (एकीकृत समाजवादी) लाई अलग्याउने सोचमा उनी छैनन् । हिजो गठबन्धन गर्दा उनीहरुले आगामी निर्वाचनमा पनि सँगै सहकार्य गरेर जाने प्रतिबद्धता जनाएका थिए । एमसीसीकै कारण गठबन्धनमा फुट आउने खतरा बढेकामा प्रचण्ड र माधव नेपाल चिन्तित छन् । प्रचण्ड निर्वाचनमा एकता गरेरै नै जाने पक्षमा छन् भने नेपाल पनि कसैको समर्थन चाहिन्छ भन्ने लाइनमा छन् ।
एमसीसीकै कारण समीकरण टुट्ने खतरा भए अबको समीकरण कस्तो होला भन्ने अनुमान लगाउन पनि गाह्रो छ । आफूले भनेजस्तो परिस्थिति नभए देउवाले प्रतिनिधिसभा भंग गरेर निर्वाचनको मिति घोषणा गर्न सक्ने पनि एकपक्षको भनाई छ । हिजो प्रधानमन्त्री हुँदा ओलीले पनि दुई पटक प्रतिनिधिसभा भंग गरेर निर्वाचनको मिति घोषणा गरेका थिए । कांग्रेसभित्र गठबन्धन गरेरभन्दा पनि कांग्रेसले निर्वाचनमा एक्लै प्रतिष्पर्धा गर्नुपर्छ भन्ने मत बलियो भन्दै गएको छ । कांग्रेसले गठबन्धनबाट आफ्नो कारणले अरुलाई फाइदा भएको तर आफ्नो अवस्थामा भनें सुधार नभएको भनेर तर्क गर्दै आएको छ ।

230 Views

Leave a Reply

Your email address will not be published. Required fields are marked *

ताजा

पद्मावती-सुनन्दा साङ्गीतिक साँझ सम्पन्न

२०८३ कार्तिक १५ गते, आईतवार

पद्मावती-सुनन्दा साङ्गीतिक साँझ सम्पन्न

२०८३ कार्तिक १५ गते, आईतवार

गोकर्णेश्वर इसाई समाजद्वारा खुला रक्तदान कार्यक्रम सम्पन्न

२०८३ कार्तिक १० गते, मंगलवार

विश्व सोतोकान कराते च्याम्पियनसिपमा नेपालको प्रतिनिधित्व गर्दै चित्रप्रसाद श्रेष्ठ

२०८३ आश्विन २५ गते, आईतवार

प्रसिद्ध बलिउड अभिनेता नाना पाटेकरको निधन

२०८३ आश्विन २२ गते, बिहीबार

मर्मतसम्भार गर्नुपर्ने भएकाले मनकामना केबलकार आज बन्द हुने

२०८३ आश्विन २० गते, मंगलवार

दाङ, बर्दिया र कैलालीमा भारी वर्षा

२०८३ आश्विन २० गते, मंगलवार

काँग्रेस महाधिवेशनः १० बजेदेखि दिउँसो ३ बजेसम्म उम्मेदवारको मनोनयन दर्ता

२०८३ आश्विन २० गते, मंगलवार

लिङ्देनको चेतावनीः अहिले देश लिग बाहिर गएको छ

२०८३ आश्विन १८ गते, आईतवार

काँग्रेसको १५औं महाधिवेशनः गगन थापाको राजनीतिक प्रतिवेदनः सरकारलाई खबरदारीदेखि कांग्रेस पुनर्संरचनासम्म २९ प्रस्ताव

२०८३ आश्विन १८ गते, आईतवार

‘छत्तीसको आँकडा’को रिलिज मिति घोषणा

२०८३ आश्विन १८ गते, आईतवार

2020 Copyrights Reserved at dnfkhabar.com

Designed & Developed By Web House Nepal