गणेश जि.सी.

आज देशैभर शहिद दिवस मनाइँदैछ । देश निर्माणमा योगदान गरेका गंगालाल श्रेष्ठ, दशरथचन्द्र ठाकुर, धर्मभक्त माथेमा र शुक्रराज शास्त्रीले देशको लागि पु¥याएको अतुलनीय गोगदानलाई हामी लगायत हाम्रा आउने पिँढीहरुले भुल्न सक्दैनन् । त्यसैले उनीहरुले पु¥याएको योगदानको सम्झना गर्दै सरकारले हरेक माघ १६ गते (आज) विभिन्न कार्यक्रम गरी शहिद दिवस मनाउँदै आएको छ ।
यसअघिका वर्षमा माघ १० गतेदेखि विभिन्न कार्यक्रम गरी शहिद दिवस मनाउने गरिएको भए पनि यसपालि कोरोना संक्रमणको कारण त्यस प्रकारका औपचारिक धेरै कार्यक्रम हुन सकेनन् । पछिल्लो समयमा शहिदको नाममाथि पनि गलत प्रचार पनि हुने गरेको पाइएको छ । देशको लागि कुनै योगदान दिएका व्यक्तिलाई शहिद भनिनुपर्ने हो तर जुनसुकै घटनामा नागरिकको मृत्यु भए पनि शहिद घोषणा गरिनुपर्छ भन्ने माग बढ्दै गएको छ । यतिसम्म कि सडकमा दुर्घटनामा कसैको मृत्यु भए पनि उसलाई शहिद घोषण नगरी शव नउठाउने माग पनि राख्न थालिएको छ । श्रीमान् श्रीमतिबीचको झगडामा कसैको मृत्यु भए पनि शहिद घोषणा गर्न बाध्य तुल्याउने गलत संस्कृतिले जरो नै गाडेको छ । दोश्रो जनआन्दोलनमा देशको लागि लडेका कतिपय व्यक्तिहरु अझै पनि ओछ्यान मै लडिरहेका छन् । सरकारले त्यस्ता नागरिकलाई हेरेको छैन । पटकपटक विभिन्न सरकार बने पनि ती पीडितहरुको दुःख जस्ताको त्यस्तै रहेको छ । आन्दोलनमा सहभागी भएर ज्यानको आहुति दिने परिवारको अझै पनि बिचल्ली भएको छ कुनै पनि निकायले त्यस्ता कुरालाई वास्ता गरेका छैनन् ।
राजनीतिक रुपमा लागेका र कुनै घटनामा मृत्यु भएकालाई मात्र शहिद घोषणा गर्ने गलत परिपार्टी हावी भएको छ । सरकारले शहिदको मापदण्ड बनाएर को वास्तविक रुपमा शहिद हो र उसलाई सरकारले के सम्मान गर्ने र परिवारको लागि के गरिदिनुपर्छ भन्ने सम्झिनु जरुरी छ होइन भने शहिदको नाममा विकृति मौलाउने निश्चितझै छ ।