एजेन्सी
मुम्बई । फिल्म स्टार अभिनयको माध्यमले दर्शकको मन जित्छन् नै । कहिलेकाँही सामाजिक कामको माध्यमले समेत जित्ने सबैको मन जित्ने गर्दछन् । पछिल्लो समय कयौं कलाकारले गरिबको मद्दत गरेर दर्शकको मन जितिरहेका छन् । यो श्रेणीमा साउथका सुपरस्टार महेश बाबुको नाम पनि जोडिएको छ । महेश बाबुले एक बच्चीको उपचार गराएर उनको ज्यान जोगाएका हुन् ।

महेशले आन्ध्रप्रदेशको केही अस्पतालमा आर्थिक कमजोरीमा रहेका बच्चाहरुको मुटुको सर्जरीमा मद्दत गरेका छन् । उनको मद्दतले अंकित भार्गव नामक एक बच्चाको ज्यान जोगिएको छ । बच्चाको उपचार र जोगिएको ज्यानको बिषयमा महेश बाबुकी पत्नी अभिनेत्री नम्रता शिरोडकरले सामाजिक सञ्जालमा तस्बिर सहित जानकारी गराएकी छन् ।

तस्बिरका साथ उनले क्याप्सन लेखेकी छन् ‘दिललाई छुने एउटा रिकवरीका किस्सा । यो थाहा पाएर खुसी लागेको छ । वीएसडी एण्ड पीडीएको सर्जरी गराएका अंकित भार्गवलाई अस्पतालले घर पठाएको छ । उनको स्थितिमा सुधार आइरहेको छ । म बच्चाको राम्रो स्वास्थ्यको कामना गर्दछु ।’

सामाजिक सञ्जालमा नम्रताको यो पोष्ट निकै भाइरल भैरहेको छ । महेश बाबुका फ्यानले उनको कदमको प्रशंसा गरेका छन् । महेश पछिल्लो समय फिल्म ‘मेजर’ को कारणले चर्चामा छन् । यो फिल्म मुम्बई हमलामा सहित मेजर सन्दीप उन्नी कृष्णनको जीवनमा आधारित रहेको छ ।