चितवन । गृहमन्त्री रामबहादुर थापा बादलले आफ्नै पार्टी फुटाउने र आफ्नै सरकार ढालेर देशलाई अस्थिरतामा धकेल्न खोज्ने नायक पुष्पकलम दाहाल र माधवकुमार नेपाल भएको बताउनुभएको छ ।
देशलाई अस्थिरताको भुमरीमा होम्न प्रचण्ड–नेपालहरू सक्रिय रहेको भन्दै उहाँले तीन तीन पटक प्रधानमन्त्री भएर अवशर पाउँदा प्रचण्ड र बाबुरामले युद्धका घाइते, सहिद परिवार र योद्धाका लागि केही गर्न नसकेको बताउनुभयो । उहाँले बरु आफ्नो सरकारले घाइतेहरूको निःशुल्क उपचार र बेपत्ता परिवाहरुको लागि परिचयपत्र सहित छुट्टै व्यवस्था गरिरहेको बताउनुभयो ।
गृहमन्त्री थापाले सिंगो देश निर्वाचनमा होमिसकेको बताउनुभयो । प्रधानमन्त्री हुन अवशर खोजेर बसेकाहरूले निर्वाचनमा भाग लिनुपर्ने बताउँदै थापाले पार्टीबाट फुटेर जानेहरूले सर्वनाक हार्ने बताउनुभयो ।
उहाँले भन्नुभयो,‘अवशरवादीहरुलाई पनि म आमन्त्रित गर्न चाहन्छु,निर्वाचनमा सहभागी हुनुहोस्, प्रधानमन्त्री हुने अवशर निर्वाचन हो । ’