सुरेन्द्र बहादुर सिलवाल
हिन्दु सनातन धर्म विश्वको पुरानो धर्म मानिँदै आएको छ । हिन्दुधर्मलाई पढेलेखेका आधुनिक युवापुस्ताले समेत गहनताकासाथ अध्यन गर्ने गरेको हुनाले यसको महत्व बढ्दै गएको छ । हिन्दु धर्मलाई विदेशीहरूले आजभोली नेपालमा बसी अध्ययन गर्ने गरेको समेत पाईएको छ ।

हिन्दु धर्मलाई एक अर्ब ५० करोड भन्दा बढी मानिसहरूले मान्दै र व्यवहारमा प्रयोग गर्दै आएका छन् । बंगलादेश, श्रीलंका, पाकिस्तान, इन्डोनेसिया, गयाना, टोबागो, संयुक्त राज्य अमेरिका र क्यानाडा जस्ता देशहरूमा हिन्दु धर्मका अनुयायीहरूको उल्खेनीय संख्या पाईएको छ। नेपाल र भारतमा बहुसंख्यक हिन्दु भएको र यसको बलमा हिन्दु धर्म विश्वमा फैलिएको छ ।