काठमाडौं । पहिला देश (पिलुल्स रिभोल्यूसन) ले मंसिर ५ गतेदेखि पौष १० गतेसम्म पूर्वको पाथिभरादेखि पश्चिम लिम्यिाधुरासम्म महासंकल्प यात्राको घोषणा गरेको छ । पहिला देशले बुधबार राजधानीको संवाद डबलीमा पत्रकार सम्मेलनको आयोजना गरी शुसिला कार्की नेतृत्वको सरकारको विस्थापनको मागसमेत गरेको छ ।

पहिला देशका संयोजक एसपी शाहले वर्तमान सरकारले जेन्जीको बलिदानको अबमूल्यन गरेर पुरानै बाटोमा हिँडेको आरोप लगाउँदै आफूहरुले उनको विस्थापन र देशको निकासका लागि संघर्षको घोषणा गर्नुपरेको बताए ।

पहिला देशका प्रवक्ता डा.निकोलस भुसालले जेन्जी युवाहरुलाई गोलि हान्न आदेश दिने तत्कालिन प्रधानमन्त्री तथा गृहमन्त्रीलाई पक्राउ गर्नुको सट्टा आफूहरुलाई पक्रने कार्य गैरन्यायीक भएको जिकिर गरेका छन् । बदलिदो परिस्थिति अनुसार देशलाई नयाँ निकास दिनुको सट्टा भ्रष्टाचार र कुशासनलाई नै निरन्तरता दिने वर्तमान सरकारका प्रधानमन्त्री कार्कीले राजिनामा दिनुपर्ने भुसालले बताए ।

पहिला देशका सचिवालय सदस्य धरणीधर दाहालले शुसिला कार्की सिंहदरबारमा फोटो झुन्ड्याउन मात्रै आएको जिकिर गर्दै प्रत्यक्ष कार्यकारी प्रमुखको निर्वाचन नहुने आवस्थामा फागुन २१ गते चुनाव हुन नदिने चेतावनी दिए ।

दाहालले देश निरन्तर राजनैतिक अक्रमन्यतातिर अभिमुख भएकोले पूर्व–पश्चिम यात्रा अभियान चलाएको जानकारी दिए । उनका अनुसार मंसिर ५ गते ताप्लेजुङबाट यात्रा सुरु गरेर पुष ५ गते पश्चिम लिम्पियाधुरासम्म पुग्ने जानकारी गराए ।

संकल्प यात्रा अभियानः
मंसिर ५ गते ताप्लेजुङ र पाँचथर,मंसिर ६ गते इलामा र झापा,७ गते मोरङ–सुनसरी,९ गते धनकुटा–भोजपुर, १० गते खोटाङ,११ गते ओखलढुङ्गा–सिन्धुली, १३ गते सप्तरी,सिराहा र धनुषा, १५ गते बारा,पर्षा र रौतहट, १६ गते मकवानपुर, चितवन र नवलपरासी, १८ गते रुपन्देही,कपिलबस्तु र दाङ,१९ गते प्युठान,रोल्पा र रुकुम,२१ गते सल्यान र जाजरकोट,२१ गते सुर्खेत र दैलेख,२३ जुम्ला र कालिकोट, २५ बजाङ र बाजुरा, २६ गते दार्चुला र बैतडी,२८ गते डडेलधुरा र कञ्चनपुर, ३० गते कैलाली र डोटी, पुष १ गते अछाम, ३ गते बाँके र बर्दिया, ४ गते लिम्पियाधुारा ।

त्यसैगरी काठमाडौं र वरिपरिका ७ जिल्लामा पुष ७ गतेदेखि १० गतेसम्म पहिला देश९पिलुल्स रिभोल्यूसन०ले अभियान चलाउने जानकारी दिएको छ । देश दौडाहा सकेपछि पुष १५ गते राजधानी काठमाडौंमा वृहत राष्ट्रिय भेला गर्ने अभियानले जनाएको छ ।