गणेश जि सी
काठमाडौं । ‘जहाँ आवश्यकता त्यहा लायन्स, हामी सेवा गर्छौं’ भन्ने मुल नारालाई आत्मसात गर्दै संसारका सबै भन्दा ठूलो अनि पुरानो सामाजिक संस्था लायन्स अन्तराष्ट्रिय डिष्ट्रिक्ट ३२५ के नेपाल अन्तरगत रहेको लायन्स क्लब अफ ढोरपाटन बागलुङद्वारा आयोजित आँखा शिविर कार्तिक २१/२२ गते बागलुङको बुर्तिवाङमा डिष्ट्रिक्ट गभर्नर सुचित्रा थापाको प्रमुख अथित्यतामा सम्पन्न भएको छ ।

नेपाल नेत्र ज्योति संघ, हिमालयन आँखा अस्पताल पोखरा तथा धौलागिरी आँखा अस्पतालको प्राविधिक सहयोगमा सम्पन्न निःशुल्क आँखा शिविरमा ८२५ जनाको आँखा परीक्षण भयको र ८३ जनाको अपरेसन तथा २५० जनालाई निःशुल्क चस्मा उपलब्ध गरिएको क्लबका अध्यक्ष राम आचार्यले हामीलाई जानकारी दिनु भयो । कार्यक्रममा डिष्ट्रिक्ट गभर्नरका साथ रिपोर्टिङ चिफ रमेश पौडेल एमजेफ मेनेजमेन्ट चिफ सुरेन्द्र सुवेदी जिएम ए चिफ दुर्गा कुँवर क्लस्टर चिफ सोमीता खड्का तथा तालबहादुर कुँवर तथा जोन चियर पर्सन नारायण प्रसाद आचार्य को उपस्थिति रहेको थियो । बागलुङ जिल्लाको विकट ठाउँमा आएर यसरी क्लबले शिविर राखेको मा गभर्नर थापाले आयोजना सम्पूर्ण लाई धन्यबाद दिदै अझै सेवाका कार्यमा लागिरहन सुभकामना दिनु भयो ।