काठमाडौं । यही जेष्ठ २० गते हामी र हाम्रो कृति समूहको १२ जनाको संकलित सरल किस्ताको रकमबाट पहिलो कृति विमोचन भव्यताका साथ सुसम्पन्न गरिएको छ ।

कृतिकारको शारीरिक असक्तताका बावजुद पनि बोकेर मञ्चमा पुर्याएर ूभोगाइू पुस्तक विमोचन कार्य सम्पन्न गरिएको छ ।
कार्यक्रममा समूहका अग्रज सदस्यलाई सम्मान गराउने परिपाटी अनुरुप सुरेश बैद्यको सभापतित्वमा कार्यक्रम अगाडि बढेको थियो । मञ्चमा कृतिकार शैलेन्द्र कुमार थापा प्रकाशनमा सहयोगीको तर्फबाट प्रमुख अतिथि समेत रहनु भएका पूर्व मन्त्री साथै वर्तमान सभासद गगन कुमार थापा र लीलाध्वज साहित्य प्रतिष्ठानका अध्यक्ष वरिष्ठ साहित्यकार विजयध्वज थापालाई सम्मानसहित मञ्चमा आशनग्रहण गराईएको थियो । मुक्तक अभियन्ताका साथै वरिष्ठ मुक्तककार सुनिल अधिकारीका समालोचक शब्दमा मुक्तकका विशेषताबारे मन्थन र मुक्तक वाचनले स्रोतालाई मन्त्रमुग्ध पारेको थियो ।

साहित्यकार गंगा आचार्य सेढाईको स्वागत मन्तव्यबाट सुरु गरिएको उक्त कार्यक्रममा समूहको संरचना र उद्देश्य बारे मदन नेपालले जानकारी गराउनु भएको थियो ।

विभिन्न संस्थाका प्रमुखलगायत मुक्तकका अनुरागीहरुले सोही पुस्तकबाट मुक्तक पनि वाचन गर्नु भएको थियो ।
कार्यक्रम सहजकर्ता, कार्यक्रम संचालक उत्तम भेटवाल (उत्तम बिचार ुसर्जक’) ले कार्यक्रम अगाडि बढाउन सहजिकरण गर्नु भएको थियो । निर्धारित २ घण्टाको कार्यक्रम झण्डै १०० जनाको उपस्थितिमा समापन गरिएको थियो ।