काठमाडौं । इलामका प्रेमप्रसाद आचार्यले आत्महत्या गरेयता यस किसिमका घटनाहरु बढ्दै जान थालेका छन् । पछिल्लो पटक बुधबार बागलुङ नगरपालिका–८ सिगानाका ५२ वर्षीय शेर बहादुर जिसीले शरिरमा पेट्रोल छर्केर आत्मदाहको प्रयास गरेको घटना सार्वजनिक भएको छ । हाल उपचारथ जिसीले घरमा कोही नभएको अवस्थामा पेट्रोल छर्केर शरीरमा आगो लगाएको र छिमेकीले जोगाएको जिल्ला प्रहरी कार्यालय बागलुङका प्रवक्ता गंगा बहादुर थापाले जानकारी दिएका छन् ।

सोमबारमात्रै पोखराका ४५ बर्षीय कृष्णबहादर क्षेत्रीले आत्महत्या प्रयास गरेका थिए । पोखरा स्वास्थ्य विज्ञापन प्रतिष्ठानमा उपचाररत् क्षेत्रीलाई बचाउन जाँदा जल्न पुगेकी घरबेटी संगीता सापकोटाको भने मृत्यु भएको छ । यस्तै गतसाता विराटनगरका इलेक्ट्रिक व्यवसायी मोहन प्रसाद न्यौपानेले आफ्नो घरमा झुण्डिएर आत्महत्या गरेका थिए । आत्महत्या गर्ने अधिकांशले ऋणका कारण आफूहरु यो अवस्थामा पुगेको उल्लेख गर्ने गरेका छन् ।