सुरेन्द्र सिलवाल
काठमाडौं । काठमाडौं निर्वाचन क्षेत्र नं २ बाट प्रतिनिधि सभा सदस्यमा हेमविक्रम सिलवालले आफ्नो स्वतन्त्र उम्मेदवारी दिएका छन् । देशमा मौलाएको भ्रष्टचार, कुशासन, नातावाद कृपावाद र राष्ट्रघाती शासानको अन्त्य हुनुपर्छ भन्दै अभियान नै चलाएर आवाज उठाउदै आएका छन् । सिलवालले अबको निर्वाचनबाट सांसद भएर देश र जनताको सेवा गर्ने सुनौलो सपना बोकेका छन् ।

यी सपनालाई साकार पार्न अहिले उनी जनतासँगको भेटघाट तथा घरदैलो अभियानमा व्यस्त छन् । नेपाली काँग्रेस वीपी र नागरिक समाजको साझा स्वतन्त्र उम्मेदवारको करुवा चुनाव चिन्ह लिएर अहिले उनी भोट माग्नमा व्यस्त छन् । यो पटकको निर्वाचन २०७९ मा जनताले विश्वास गरेर प्रतिनिधि सभा सदस्य बनाएमा ३५०० सैयाको वृद्धाश्रम निर्माण गर्ने प्रतिबद्धता समेत उनले जनाएका छन् । आफूले पाउने सम्पूर्ण सेवासुविधा, तलव भत्ता वापतको सम्पूर्ण रकम समेत बृद्धाश्रमलाई दिने उहाले उदघोष गरेका छन् ।

नेपालमा बहुदल पुनःस्थापना भएको ३२ वर्ष हुदा समेत कुनै परिवर्तन नभएको उनले बताए छ । यस अवधीमा ठूला दलले नातावाद कृपावाद, भ्रष्टाचार र राष्ट्रघात बाहेक गतिलो काम केही पनि नगरेको उनको दावी छ । कम्युनिष्टहरू निर्लज्ज ढङ्गले दलाल पूँजीपतिका भरिया नोकर भएको उनको आरोप छ । देउवाले काँग्रेस वी।पी।, कृष्णप्रसाद, गणेशमानको सिद्धान्तलाई त्यागेर माओवादीको भरिया हुन चाहेको उनले आरोप लगाए ।

यस्तो निकृष्ट राजनीतिक परिस्थितिबाट देशलाई मुक्त गराउन आफूले स्वतन्त्र नागरिक समाज र नेपाली काँग्रेस वीपीको साझा उम्मेदवारको रुपमा निर्वाचन क्षेत्र न। २ काठमाडौँबाट चुनावमा सहभागीता जनाएको बताए छ ।