कठमाडौं । व्यवस्थापन र कार्यक्षमताका अभावले ऋणमा चुर्लुम्म डुबेको नेपाल वायुसेवा निगम यतिबेला टाउको उठाउने तरखरमा छ । तात्कालिन पर्यटन तथा नागरिक उड्डयन मन्त्री योगेश भट्टराईले नियुक्त गरेका महाप्रबन्धक डिमप्रसाद पौडेलले नेवानिलाई १ वर्षको अवधिमा क्षतविक्षत पार्दै ऋणले उठ्नै नसक्ने अवस्थामा पु¥याएका थिए । एमाले अध्यक्ष खड्गप्रसाद नेतृत्वको सरकार ढलेपछि २०७८ कार्तिक ११ गते नेपाल वायु सेवा निगमको कार्यकारी अध्यक्षमा युवराज अधिकारी नियुक्त भए । कार्यकारी अध्यक्षमा युवराज अधिकारी नियुक्त भए ।
कार्यकारी अध्यक्षमा नियुक्त अधिकारीले निगमका माफियासँग घनिष्ठ सम्बन्ध बनाएका भ्रष्ट र कामै नगरी लुट्न पल्केका कर्मचारी एवं हवाइ माफियाहरुको जालझेल र षड्यन्त्रले नियमित रुपमा काम गर्न नपाई उल्टै मुद्धा–मामिला व्यहोरेका थिए । अधिकारी आएपछि नेपाल वायुसेवा निगमले पहिला १३३ करोड र पछि ७३ करोड ऋण र किस्ता कर्मचारी संचयकोष र नागरिक लगानी कोषलाई चुक्ता गरेका छन् । सर्वोच्च अदालतले काममा फर्कने आदेश दिएपछि अव एक–डेढ बर्ष अधिकारी रहँदा नेपाल वायुसेवा निगमले काँचुली फेर्ने जानकारहरुले बताएका छन् । नेपाल वायुसेवा निगमलाई जानेका र बुझेका अधिकारीलाई हटाउन हवाईमाफियादेखि तस्कर दिपक मलहोत्रा तथा निगमकै पूर्व कर्मचारी पनि पर्यटन तथा नागरिक उड्डयन मन्त्री जीनवराम श्रेष्ठ समक्ष धाइरहेका थिए । तथापि ती सबैलाई पछार्दै नेवानीको उन्नति प्रगतिमा अहोरात्र जुटेका अधिकारीलाई अहिले नागरिक उड्यन प्राधिकरणका महानिर्देशक प्रदिप अधिकारीले भाँजो हालेर नेवानी ध्वस्त पर्ने षड्यन्त्रमा जुटेका छन् ।

नेवानीसँग पर्याप्त जहाज नभए पनि कुशल व्यवस्थापनका कारण वाईडबडी जहाजले फूल अकोपेन्सीमा उडाईरहेको समाचार श्रोतले बताएको छ ।