पछिल्लो समय निकैनै लोकप्रिय बनेको भिडियो एप ‘टिकटक’ले युवापुस्ता देखि वृद्ध वृद्धालाई आकर्षित गरेको छ । छोटो भिडियो निर्माण गरेर आफ्नो प्रतिभालाई समुदायमा देखाउन सकिने टिकटकलाई धेरैले मनोरञ्जनको रुपमा प्रयोग गर्दै आइरहेका छन् ।

म्युजिकलि नामको एपलाई चिनियाँ कम्पनीले किनेर टिकटक नामाकरण गरेर सञ्चालनमा ल्याएपछि यस्को प्रयोगकर्ता ह्वात्तै बढेको हो । गतबर्ष सर्वाधिक डाउनलोड गरिएको एपहरुको तुलनामा टिकटक शिर्ष स्थानमा रहेको थियो । त्यस्तै टिकटकको प्रयोगकर्ता नेपालमा पनि दिनानुदिन बढ्दै गइरहेको छ ।

पछिल्लोसमय टिकटकबाटै आफ्नो पहिचान बनाएर सेलिब्रेटी बन्ने पनि लहर चलेको छ नेपालमा । धेरै टिकटक प्रयोगकर्तालाई यसबाट पैसापनि कमाउन सकिन्छ भन्ने कुरा थाहा छैन होला । तर, पछिल्लो समय टिकटक मनोरञ्जनको लागि मात्र नभई पैसा कमाउन सकिने माध्यम पनि बनेको छ ।

यसरी पैसा कमाउन सकिने एउटा सजिलो माध्यम टिकटक बनेपछि पछिल्लो समय टिकटकमा सबैको तछाड र मछाड देख्न पाईन्छ । यसैक्रममा आज भने पछिल्लो समय टिकटकमा एकदमै भाईरल बाबुछोरी जसले आफ्नो अद्भुत प्रतिभा देखाएर सबैलाई चकित पार्दै आएका छन उनिहरु मिडियामा आएका छन ।

ओम थापा नाम गरेका बाबू र आभा थापा नाम गरेकी छोरी पछिल्लो समय टिकटकका भित्ताहरुमा जताततै छाएका छन ।नाताले बाबुछोरी रहेतापनी झट्ट हेर्दा श्रीमानश्रीमती अर्थात प्रेमजोडीझै देखिने उनिहरुलाई दर्शकहरुले बुढाबुढी भनेर हैरान पार्ने गर्दछन । बाबुछोरीसँगै नाँचेर बनाएका टिकटक भिडियोहरु एकदमै मनोरञ्जन दिने खालका रहेका छन ।