राष्ट्रिय क्रिकेट टिमका पूर्वकप्तान सन्दीप लामिछानेलाई आज प्रहरीले त्रिभुवन अन्तर्राष्ट्रिय विमानस्थलबाट प,क्राउ गर्‍यो ।

एकातर्फ दशैंको माहोल र अर्कोतर्फ बिहानैदेखि मुसलधारे वर्षात भइरहेको हुँदा विमानस्थलमा सन्दीपका समर्थकहरुको खासै उपस्थिति देखिएन ।

अनुहारमा मास्क र क्याप लगाएका सन्दीप प्रहरीले हातमा लगाइदिएको ह,त्कडीलाई रुमालले छोपेर बाहिर निस्किएका थिए ।

अनुहारको उदासी उनले लगाएको मास्कले छोप्न सकिरहेको थिएन । प्रहरी भ्यानतर्फ जाने क्रममा उनले ह,त्कडी लगाएको हातले उपस्थित सञ्चारकर्मीलाई ‘नमस्कार’ गर्ने प्रयास गरे ।

सन्दीपलाई प,क्राउ गर्न एआइजीको कमाण्डमा प्रहरीको ठूलै फौज बिमानस्थलमा तैनाथ थियो । प्रहरीका तीन–चार गाडी बिमानस्थल अगाडि तेर्स्याइएका थिए । उनलाई बाहिर निकाल्ने क्रममा पनि ठूलो सुरक्षा घेरा बनाइएको थियो ।

गौशाला प्रहरी वृत्त पुर्याएर हाजिरी गराएपश्चात सन्दीपलाई सिनामंगलस्थित केएमसी अस्पतालमा लगेर स्वास्थ्य परीक्षण गरियो ।

त्यहाँबाट फर्काएपछि सोही वृत्तको हिरासतमा राखिएको छ । आज हिरासतमा सन्दीपलाई उनका दाजु र वकिलले भेटे । चितवनबाट आएका दाजुले सन्दीपको लगेज वृत्तबाट बुझेर लगेका थिए । सन्दीपका बाबुआमा भने चितवनमै छन् ।

मध्यमवर्गीय परिवारबाट माथि उठेका प्रतिभा हुन् सन्दीप । उनका बुवा पहिले भारतीय रेल्वेमा काम गर्थे । दाजु अहिले पनि भारतमा कार्यरत छन् । उनी भारतको हरियाणामा सानोतिनो व्यवसाय गर्छन् । सन्दीपका दुई दिदीहरु छन् । दुवैजना विवाहित हुन् ।

सन्दीपका बुवा चन्द्रनारायण भारतीय रेल्वेमा काम गर्थे । जागीरबाट रिटायर्ड भएपछि उनी नेपाल फर्किएका हुन् । चितवनको सौराहामा उनीहरुको घर छ ।

सन्दीपको घ,टना सार्वजनिक भएसँगै बुवाआमामा मानसिक प्रभाव परेको छ । उनीहरु दुवै अस्वस्थ बनेपछि अहिले चितवनमै रहेको एक छोरीको घरमा बस्न थालेको पारिवारिक स्रोतले बतायो । अस्वस्थताका कारण उनीहरु आज काठमाडौं आउन सकेनन् ।

सन्दीपका दाजु मोहन भने अहिले भारतबाट काठमाडौं आएका छन् । उनले गौशला प्रहरीवृत्तमा सन्दीपलाई भेटेका थिए । सन्दीपले ल्याएका लगेज मोहनले नै बुझेर लगेका छन् ।