काठमाडौं । नेपाली कांग्रेसका नेता प्रदीप गिरिको ७५ वर्षको उमेरमा हिजो साँझ ९ बजे निधन भएको छ ।
ललितपुरस्थित नेपाल मेडिसिटी अस्पतालमा उपचारका क्रममा उनको निधन भएको हो । प्रतिनिधिसभाका सांसद गिरि घाँटीको क्यान्सरबाट पीडित थिए । आइतबार पशुपति आर्यघाटमा अन्त्येष्टि गरिने पार्टीले जनाएको छ ।

त्यसअघि, उनको पार्थिव शरीर अस्पतालको शिवालय र पार्टी केन्द्रीय कार्यालय सानेपामा श्रद्धाञ्जलीका लागि राखिने जनाइएको छ ।

गिरिको आज अन्त्येष्टि गरिँदै छ । आज हिन्दू संस्कार अनुसार अन्त्येष्टि गरिने भएको हो । कांग्रेस संसदीय दलको कार्यालयका अनुसार पशुपति आर्यघाटमा अन्त्येष्टि गरिनेछ । त्यसअघि, उनको पार्थिव शरीर मेडिसिटी अस्पतालको शिवालयमा बिहान ९ देखि ११ बजेसम्म श्रद्धाञ्जलीका लागि राखिनेछ ।

पार्टी केन्द्रीय कार्यालय सानेपामा साढे ११ देखि दिउँसो २ बजेसम्म श्रद्धाञ्जलीका लागि राखिने र त्यसपछि पशुपति आर्यघाटमा अन्त्येष्टि गरिने कांग्रेस संसदीय दलको कार्यालये जनाएको छ ।