धरान उपमहानगरपालिकाका मेयर हर्क साम्पाङ विरुद्ध आन्दोन चर्काउने बराह सहकारी पीडित संघर्ष समितिका संयोजक खगेन्द्र नेपाली प,क्राउ परेका छन् ।

ईलाका प्रहरी कार्यालय धरानको टोलीले उनलाई भानुचोकस्थित बसपार्क क्षेत्रबाट आज प,क्राउ गरेको हो । नेपाली र संघर्ष समितिका प्रवक्ता प्रदिप बास्तोलाविरुद्ध मेयर हर्क साम्पाङले प्रहरीमा जाहेरी दिएका थिए ।

दुवैविरुद्ध सार्वजनिक शान्ति सुरक्षाविरुद्धको जाहेरी परेपछि प्रहरीले अदालतबाट प,क्राउ पुर्जी समेत ल्याएको थियो ।

आइतबार संघर्ष समितिको अगुवाईमा धरान उपमहानगरपालिकामा मेयर साम्पाङ र उपमेयर अइन्द्रबिक्रम बेघाविरुद्ध नाराबाजी भएको थियो भने मेयरको कार्यकक्षको शिशा पनि तो,ड फो,ड भएको थियो ।

आन्दोलनको नेतृत्व गरेका नेपाली र बास्तोलाविरुद्ध भोलीपल्ट मेयरले जाहेरी दिएका थिए ।प्रहरीले यसअघि नै प्रवक्ता बास्तोलालाई बुधबार धरानबाट पक्राउ गरिसकेको थियो । बास्तोलालाई ७ दिनको म्याद थपसमेत भएर अनुसन्धान भइरहेको छ ।

संयोजक नेपाली भने फरार थिए । प,क्राउ परेका नेपालीलाई म्याद थप अनुमतिको लागि जिल्ला पठाइसकेको डिएसपी बुद्ध श्रेष्ठले जानकारी दिए ।