चन्द्रागिरिमा बुधबार दिउँसो पौने २ बजेदेखि केबलकार बिग्रिएपछि चार सय जना मानिस डाँडामा अलपत्र परेका छन् ।

साँझसम्म केबलकार सञ्चालन आउन नसकेपछि नेपाल प्रहरीले उनीहरुलाई उद्धार गरिरहेको प्रहरी वृत्त, थानकोटका डीएसपी डिल्लीनारायण पाण्डेले जानकारी दिनुभयो।

टावर नं. ४ मा स,मस्या देखिएपछि दिउँसो पौने २ बजे राष्ट्रियसभा अध्यक्ष गणेशप्रसाद तिम्सिनासहित उहाँको परिवार पनि बीचमै अ,लपत्र परेको थियो ।

उहाँहरुलाई उद्धार गर्न झण्डै आधा घन्टा लागेको थियो ।प्रहरी स्रोतका अनुसार तिम्सिना अ,लपत्र परेका बेला अन्य २८ केबलकार बीचमै रोकिएका थिए । त्यतिबेला १२० जनालाई तानेर उद्धार गरिएको थियो ।

‘केबलकार नचलेका कारण माथि डाँडामा अलपत्र परेका ४०० जनालाई उद्धार गरेका छौं’ पाण्डेले भन्नुभयो, थपलाई पनि उद्धार गरिरहेका छौं ।’

उहाँका अनुसार गाडीमार्फत उहाँहरुलाई ओसार्ने काम भइरेको छ ।
उद्धारका लागि प्रहरी वृत्त, कीर्तिपुरका डीएसपी पुरुषोत्तम पाण्डे, थानकोट प्रहरीका प्रहरी निरीक्षक लीला आचार्यलगायत ४० जना प्रहरीको टोली चन्द्रागिरि डाँडामा मात्रै खटिएको छ ।

बेसमा मेडिकल टिम, प्रहरी, ट्राफिक र सशस्त्र प्रहरी बलको टोली पनि खटिएको छ ।
यसअघि १६ चैत २०७८ मा पनि चन्द्रागिरिमा विद्युत् स,मस्याका कारण यात्रुहरु बीचमै केबलकारमा अ,ड्किएका थिए । त्यतिबेला ३७ यात्रुलाई प्रहरीले उद्धार गरेको थियो