कैलाली । वैशाख ३० गते भएको निर्वाचनमा धाँधली भएको भन्दै सर्वोच्च अदालतले पुनः निर्वाचन गर्ने फैसला गरेसँगै आज मतदान भइरहेको हो ।
१० बुथका १९ मतदान केन्द्रमा १३ हजार ६ सय ५९ मतदाताले मतदान गर्न बाजुराका प्रमुख जिल्ला अधिकारी प्रकाश चन्द अधिकारीले जानकारी दिए ।
अहिले बाक्लो सुरक्षा घेराभित्र मतदान भइरहेको छ । सेना, सशस्त्र, नेपाल प्रहरी र राष्ट्रिय अनुसन्धानसहितका करिब १ हजार २ सय सुरक्षाकर्मी परिचालन गरिएको जनाइएको छ ।
प्रमुख जिल्ला अधिकारी अधिकारीका अनुसार मतदातासँगै रहेर नेपाल प्रहरीले सुरक्षा दिइरहेको छ । दोस्रो घेरामा शसस्त्र प्रहरी र बाहिर घेरालाई नेपाली सेनाले सुरक्षा प्रदान गर्ने जनाइएको छ ।
कुनै पनि अप्रिय घटना नहुन दिने गरी सुरक्षा व्यवस्था मिलाइएको उनले बताए । पर्याप्त मात्रामा राष्ट्रिय अनुसन्धान र निर्वाचनमा कर्मचारी पनि खटिएका छन् । प्रहरीलाई मतदान केन्द्रमा मात्र नभई गाउँ(गाउँमा पनि बाक्लोरूपमा अटाइएको छ ।
यसअघि मतदानलाई स्वच्छ, निष्पक्ष र भयरहित बनाउन मुख्य निर्वाचन अधिकृत माधवप्रसाद घिमिरेको अध्यक्षतामा सर्वदलीय बैठक बसी निर्वाचनलाई निष्पक्ष बनाउनेमा कांग्रेस, एमालेलगायतका केन्द्रीयस्तरका नेताहरूले साझा प्रतिबद्धता जाहेर गरेका छन् ।