गति लिँदै राजापुर–ओखरिया सडक

२०८३ आश्विन १६ गते, शुक्रबार

यमनाथ घिमिरे
बर्दिया । लामो समयसम्म काम सुस्त हुँदा धेरै सास्ती खेप्दै आएका बर्दियाको राजापुरबासीहरु अहिले भने प्रशन्न हुन थालेका छन् । बर्दियाको–ओखरिया बाँध सडक निर्माणले पछिल्लो समय गति लिएपछि उनीहरु खुशी भएका हुन् । हुलाकी सडकअन्तर्गत राजापुरदेखि ओखरिया बाँध जोड्ने करिब २८ किलोमिटर सडकको भौतिक प्रगति अहिले ७० प्रतिशत पुगेको छ ।

भौतिक पूर्वाधारमन्त्री सुनिल लम्सालले सामाजिक सञ्जालमार्फत रुग्ण अवस्थामा रहेको उक्त सडक निर्माणले गति लिएको जानकारी दिएका हुन् । उनका अनुसार सरकारले निरन्तर अनुगमन तथा आवश्यक सहजीकरण गर्दै निर्माण व्यवसायीलाई अन्तिम अवसर दिएपछि निर्माण कार्यले उल्लेख्य गति लिएको हो ।

तीन वर्षभित्र निर्माण सम्पन्न गर्ने गरी सुरु भएको सडकको काम तोकिएको समयमा पूरा हुन नसकेपछि लामो समयसम्म अलपत्र परेको थियो । २०८० असोज १८ गतेभित्र सम्पन्न हुनुपर्ने आयोजनाको भौतिक प्रगति २०८३ सालसम्म आइपुग्दा ४३ प्रतिशतमा सीमित थियो ।

यसअघि २०८२ असारमा राजापुर नगरपालिकाको खैरीचन्दनपुरदेखि गेरुवा गाउँपालिकाको पर्यटकीय केन्द्र ओखरिया बाँधसम्मको करिब २७ किलोमिटर सडक पाँच वर्ष बितिसक्दा पनि पूरा हुन सकेको थिएन । निर्माण कम्पनीलाई पटक–पटक ताकेता गर्दै ३१ पटकसम्म पत्राचार गरिएको जनाइएको थियो ।

त्यसपछि २०८२ मंसिरमा निर्माण कम्पनीले थपिएको म्याद सकिन लाग्दा काम अघि बढाएको समाचार सार्वजनिक भएको थियो । त्यतिबेला सडकको भौतिक प्रगति २७ प्रतिशत मात्रै रहेको थियो । २०७७ चैतमा सम्झौता भएको उक्त सडक २०८० असोजसम्म सम्पन्न गर्ने लक्ष्य राखिएको थियो । पटक–पटक म्याद थपिएपछि २०८२ फागुनसम्म निर्माण सम्पन्न गर्ने समय दिइएको थियो ।

सरकारको पछिल्लो अनुगमन, सहजीकरण र निर्माण व्यवसायीलाई दिइएको अन्तिम अवसरपछि भने आयोजनाले गति लिएको हो । हाल ७० प्रतिशत भौतिक प्रगति पुगेको सडक चालु आर्थिक वर्षको अन्त्यसम्म सम्पन्न गर्ने लक्ष्य राखिएको छ ।

 

41 Views

Leave a Reply

Your email address will not be published. Required fields are marked *

ताजा

पद्मावती-सुनन्दा साङ्गीतिक साँझ सम्पन्न

२०८३ कार्तिक १५ गते, आईतवार

पद्मावती-सुनन्दा साङ्गीतिक साँझ सम्पन्न

२०८३ कार्तिक १५ गते, आईतवार

गोकर्णेश्वर इसाई समाजद्वारा खुला रक्तदान कार्यक्रम सम्पन्न

२०८३ कार्तिक १० गते, मंगलवार

विश्व सोतोकान कराते च्याम्पियनसिपमा नेपालको प्रतिनिधित्व गर्दै चित्रप्रसाद श्रेष्ठ

२०८३ आश्विन २५ गते, आईतवार

प्रसिद्ध बलिउड अभिनेता नाना पाटेकरको निधन

२०८३ आश्विन २२ गते, बिहीबार

मर्मतसम्भार गर्नुपर्ने भएकाले मनकामना केबलकार आज बन्द हुने

२०८३ आश्विन २० गते, मंगलवार

दाङ, बर्दिया र कैलालीमा भारी वर्षा

२०८३ आश्विन २० गते, मंगलवार

काँग्रेस महाधिवेशनः १० बजेदेखि दिउँसो ३ बजेसम्म उम्मेदवारको मनोनयन दर्ता

२०८३ आश्विन २० गते, मंगलवार

लिङ्देनको चेतावनीः अहिले देश लिग बाहिर गएको छ

२०८३ आश्विन १८ गते, आईतवार

काँग्रेसको १५औं महाधिवेशनः गगन थापाको राजनीतिक प्रतिवेदनः सरकारलाई खबरदारीदेखि कांग्रेस पुनर्संरचनासम्म २९ प्रस्ताव

२०८३ आश्विन १८ गते, आईतवार

‘छत्तीसको आँकडा’को रिलिज मिति घोषणा

२०८३ आश्विन १८ गते, आईतवार

2020 Copyrights Reserved at dnfkhabar.com

Designed & Developed By Web House Nepal