काठमाडौं। स्विडेनमाथि ३–० को सहज जित निकाल्दै फ्रान्स प्रतियोगिताको अन्तिम १६ मा प्रवेश गरेको छ । फ्रान्सको यो एकपक्षीय जितसँगै अब उसले नकआउट चरणमा पाराग्वेको सामना गर्ने तय भएको छ ।

फ्रान्सलाई जिताउन स्टार स्ट्राइकर किलियन एम्बाप्पेले उत्कृष्ट प्रदर्शन गर्दै दुई गोल गरे। उनले पहिलो हाफको अन्तिम समय अर्थात् खेलको ४५औँ मिनेटमा गोल गर्दै टोलीलाई सुरुवाती अग्रता दिलाएका थिए ।

दोस्रो हाफमा थप आक्रामक बनेको फ्रान्सका लागि ५३औँ मिनेटमा युवा विङ्गर ब्राडली बारकोलाले गोल गर्दै अग्रता दोब्बर बनाए । त्यसपछि खेलको ७४औँ मिनेटमा एम्बाप्पेले व्यक्तिगत दोस्रो गोल गरेपछि फ्रान्सले ३-० को निश्चित जित सुनिश्चित गर्‍यो । स्विडेनले खेल अवधिभर फ्रान्सेली रक्षापङ्क्ति तोड्न नसक्दा स्तब्ध हुनुपर्‍यो ।

विश्वकपको अन्तिम ३२ को समीकरणअन्तर्गत गएराति भएको अर्को रोमाञ्चक खेलमा नर्वेले आइभरी कोस्टलाई २–१ गोलअन्तरले पराजित गर्दै अन्तिम १६ मा आफ्नो स्थान सुरक्षित गरिसकेको छ, जहाँ उसले ब्राजिलको सामना गर्नेछ।