काठमाडौँ / MDR Team ले आफ्नो आधिकारिक लोगो सार्वजनिक गरेको छ। सार्वजनिक गरिएको उक्त लोगो अबदेखि MDR Team को आधिकारिक पहिचानका रूपमा प्रयोग गरिने जानकारी दिइएको छ ।

MDR Team का संयोजक तथा लिडर केदार तिमिल्सिना पेशाले आईटी इन्जिनियर हुन्। ओखलढुङ्गामा जन्मिएका तिमिल्सिना हाल अमेरिकामा बसोबास गर्दै आएका छन्। उनी Nepal Viral Monetization Group तथा MDR Group का एडमिन समेत हुन्। नेपालमा फेसबुक मोनिटाइजेसन सुविधा सुरु भएपछि नेपाली सर्जकहरूलाई संगठित, सक्षम र आत्मनिर्भर बनाउने उद्देश्यले उनले MDR Team स्थापना गरेका हुन्। टिमका अनुसार MDR Team मा नेपालका ७६ जिल्ला तथा विश्वका करिब २३ देशमा बसोबास गर्ने नेपालीहरूको सक्रिय सहभागिता रहेको छ। यसले टिमको पहुँच अन्तर्राष्ट्रिय स्तरसम्म विस्तार भएको देखाउँछ।

MDR Team ले “I Am With MDR”, “#MDR Live With MDR Leader” लगायत विभिन्न सचेतनामूलक तथा डिजिटल सर्जक केन्द्रित अभियानहरू सञ्चालन गरिसकेको छ। ती अभियानहरूले समुदायलाई जोड्ने, सर्जकहरूलाई प्रोत्साहन गर्ने तथा डिजिटल प्लेटफर्महरूको सही उपयोगबारे जागरूकता फैलाउने कार्य गरेको टिमले जनाएको छ। टिमले अबदेखि अझ परिमार्जित, परिष्कृत तथा व्यवस्थित ढंगले अगाडि बढ्ने प्रतिबद्धता व्यक्त गरेको छ।

सर्जकहरूको हित, पारस्परिक सहयोग तथा डिजिटल क्षेत्रको समग्र विकासका लागि MDR Team अझ प्रभावकारी रूपमा क्रियाशील रहने बताइएको छ। MDR Team का लिडर केदार तिमिल्सिना ले सम्पूर्ण सदस्य, सर्जक तथा शुभेच्छुकहरूलाई निरन्तर साथ, सहयोग र विश्वासका लागि हार्दिक धन्यवाद व्यक्त गरेका छन्।