काठमाडौँ । काठमाडौँ महानगरपालिकाले खोला किनारका अतिक्रमित क्षेत्र खाली गराउने अभियानलाई तीव्रता दिँदै धोबीखोला मिचेर बनाइएको एक भाइरल सात तल्ले घर भत्काउन सुरु गरेको छ।

खोलाको बहाव क्षेत्र -राइट अफ वे) र सार्वजनिक जग्गा समेत ओगटेर निर्माण गरिएको उक्त विशाल संरचना हटाउन महानगरले पटक-पटक सूचना जारी गरे पनि घरधनीले अटेर गरेपछि डोजर चलाइएको हो। भवन भत्काउने कार्य सुरु गर्नुअघि घरभित्र रहेका जिन्सी सामानहरू निकाल्न सुरक्षाकर्मीहरूले सहयोग गरेका छन् । घरधनीको धनमालमा कम क्षति होस् भन्ने उद्देश्यले नेपाल प्रहरी र नगर प्रहरीका जवानहरू आफैँ खटिएर फर्निचर, खाद्यान्न र अन्य घरायसी सामान बाहिर निकाल्न मद्दत गरिरहेका छन्।