काठमाडौं । नेपाली कांग्रेसका नेता डा. शेखर कोइरालाले महामन्त्रीद्वय गगन थापा र विश्वप्रकाशलाई वार्तामा आउन निमन्त्रणा पठाएका छन् । कोइरालाले विशेष महाधिवेशनमै रहेका नेता सुनील शर्मामार्फत महामन्त्रीद्वयलाई वार्ताका लागि आग्रह गरेका हुन् ।

उनले विशेष महाधिवेशनमा पार्टी नफुट्ने सुनिश्चितता गरे पार्टीलाई विशेष महाधिवेशनको अपनत्वका लागि आफूले दबाब दिने बताएको नेत्री सरिता प्रसाईंले जानकारी दिइन् ।

शेखरको भनाइ उद्धृत गर्दै प्रसाईंले भनिन्, “टिमका पदाधिकारीहरूसहित सबैको धारणा सुनेपछि उहाँले तपाईंहरूको आशय मैले बुझेँ, महामन्त्रीजीहरूले विशेष महाधिवेशनको लक्ष्यसहित स्पष्ट धारणा राखेपछि फुटमा जान नदिन म सभापतिसँग वार्तासहित दबाब दिन सकिने भन्नुभएको छ ।”

यसका लागि महामन्त्रीहरूले नै सहजीकरण गरी आश्वस्त बनाउने आधार दिनुपर्ने उनको भनाइ छ । उनले सभापतिसहितलाई लैजाने अवस्था निर्माण गरेपछि कोइराला पनि विशेष महाधिवेशनमा पुगेर टुंग्याउने बताइन् ।