काठमाडौं । नेकपा एमालेका अध्यक्ष केपी शर्मा ओलीले सरकार–जेनजी सम्झौता नाटक मात्रै भएको बताएका छन् ।

११औं महाधिवेशन उद्घाटन समारोहलाई शनिबार भक्तपुरको सल्लाघारीमा सम्बोधन गर्दै ओलीले सरकार निर्वाचन बिथोल्ने गतिविधिमा रहेको बताए । ुवर्तमान असंवैधानिक सरकारले जालझेल र प्रतिशोधको बाटो लिएको छ । त्यसका लागि एकातिर निर्वाचनको हल्ला, अर्कातिर निर्वाचन बिथोल्ने सरकार–जेनजी सम्झौता जस्ता नाटक मञ्चन,ु ओलीले भने, ‘यो बिल्कुल नाटक हो । अनधिकृत हर्कत हो । र, यो देशलाई भिडन्ततर्फ लाने गम्भीर षड्यन्त्र हो । यस्ता नाटक मञ्चन गरेर लोकतन्त्रलाई रोक्ने वातावरण सिर्जना गर्ने अनेक प्रपञ्चहरूको यो सरकार जालो बनिरहेको छ ।’