काठमाडौं । कन्नड फिल्म ‘कान्तारा २’ले भारतीय बक्स अफिसमा आँधी ल्याएको छ । १२५ करोड भारुमा बनेको यो फिल्मले भारतमा मात्रै ४ सय करोडको आँकडा पार परेको छ । त्यसमा हिन्दी भर्सनको योगदान १३१ करोड छ, जुन १० दिनको कमाइ हो । फिल्मको विश्वव्यापी कमाइ भने ५ सय करोडभन्दा बढी रहेको ट्रेड ट्रयाकिङ अनलाइन स्याक्निल्कले जनाएको छ ।

यो फिल्मले भारतमा भारु ६१.८५ करोडको ओपनिङ गरेको थियो, जुन रजनीकान्तको ‘कुली’ (६५ करोड) र पवन कल्याणको ‘दे कल हिम ओजी’ ९६३ करोड०भन्दा धेरै हो । प्रदर्शनको एक साताभित्र ३३७ करोडभन्दा बढीको व्यापार गरेको फिल्मले विश्वव्यापी ८ सय करोडको आँकडा छुन सक्ने प्रक्षेपण गरिएको छ । फिल्मको व्यापारिक रफ्तार हेर्दा यो सम्भव पनि देखिन्छ ।

‘कान्तारा २’ले कन्नड भाषाको सुपरहिट फिल्म ‘केजीएफ’को भारु २५० करोडको रेकर्ड पहिलो हप्तामै तोडिसकेको छ भने ‘केजीएफ २’को लाइफटाइम कलेक्सन ९८५९।७ करोड०को पनि आधाभन्दा बढी कमाइ गरिसकेको छ । ‘केजीएफ २’को रेकर्ड तोड्न सफल भएमा यसले कन्नड भाषाको सबैभन्दा धेरै कमाइ गर्ने फिल्मको कीर्तिमान बनाउनेछ ।