काठमाडौं । शुक्रबारदेखि जारी इजरायल(इरान युद्धमा इरानलाई ठूलो क्षति भएको छ। इजरायलले गरेको सैन्य कारबाहीमा तेहरानको आवासीय क्षेत्रमा ठूलो मात्रामा क्षति भएको इरानको परराष्ट्र मन्त्रालयले जनाएको छ।

इजरायली आक्रमणमा इरानको परराष्ट्र मन्त्रालयको भवनमा समेत क्षति छ। रानी परराष्ट्र मन्त्रालयका प्रवक्ता इस्माइल बकाईले पनि आक्रमणको पुष्टि गरेका छन्। तर भवनमा सामान्य क्षति पुगेको र कर्मचारीहरूलाई कुनै चोटपटक नलागेको दाबी गरेका छन्।

अन्तर्राष्ट्रिय मिडियाहरूले जनाए अनुसार इजरायलको आक्रमणमा इरानमा हालसम्म कम्तीमा दुई सय २४ जनाको मृत्यु भएको छ। घाइतेहरूको संख्या १४ सय नाघेको छ।

पछिल्लो आक्रमणमा आक्रमणमा ७८ जनाको मृत्यु र तीन सय २९ जना घाइते भएका इरानले जनाएको छ। इजरायलले ‘अपरेशन राइजिङ लायन’ अन्तर्गत चार दिनदेखि इरानमाथि भिषण हमला गरिरहेको छ। इरानले पनि जवाफी कारबाही जारी रहेको बताएको छ।