काठमाडौँ । काग्रेसका सांसद डा. सुनिल शर्माले गृहमन्त्री रमेश लेखकले राजीनामा दिनु नै बुद्धिमानी हुने बताएका छन्।

मङ्गलवार संसद भवन परिसरमा पत्रकारसँग कुराकानी गर्दै सांसद शर्माले संसदमै स्वतन्त्र छानबिनको माग उठेको उल्लेख गर्दै गृहमन्त्री लेखकले मार्ग प्रशस्त गर्नु नै बुद्धिमानी हुने दोहोर्याएका हुन्।

उनले यसअघि पनि गृहमन्त्रीले राजीनामा दिनुपर्ने बताएका थिए। गृहमन्त्रीले बजेट भाषणअघि राजीनामा दिनुपर्ने तर्क कायमै रहेको जिकिर गरे।

उनले भने, ‘पार्टीका शीर्ष नेताहरूले गरेका निर्णयहरू हामीले स्वागत गर्नुपर्छ । यद्यपि हाम्रो व्यक्तिगत धारणाहरू हिजो जे बोलेको त्यो कायम छ । स्वतन्त्र छानबिनको विषयमा सदनमै कुरा उठिरहेको छ । मलाई लाग्छ बेलुकासम्म केही आउला । नआए दुई÷चार दिनभित्र आउला किनभने १५ गते बजेट भाषण छ । बुद्धिमानी कुरा र नैतिकवान कुरा चाहीँ राजीनामा दिनु नै हुन्छ।’